فيفي عبده: أنا لساني طويل وهشتم اللي بيستفزني.. واستخبيت من الدنيا كلها بسبب رامز جلال
تحدثت الفنانة فيفي عبده عن تصريحاتها المثير للجدل عقب جنازة المنتجة ناهد فريد شوقي، مؤكدة أنها كانت منفعلة بسبب أحداث فلسطين.
وقالت فيفي عبده في تصريح لـ القاهرة 24 على هامش تواجدها في حفل جوائز وشوشة 2023: بعتذر ليكم على انفعالي وأنا كنت مضايقة بسبب أحداث فلسطين عشان أهل بيتي فلسطينيين وكلامي طلع بشكل تلقائي زي ما متعودين عليا، وبلدنا حلوة وإحنا بنحبها.
وأكدت فيفي عبده أنها تعرضت للحسد مؤخرًا بعد ظهورها في أكثر من فعاليات الفترة الأخيرة، بجانب الحديث عن رأيها في مقالب الفنان رامز جلال، مازحة: لا ونبي فال الله ولا فالك، ده أنا مستخبيه من الدنيا كلها بسبب رامز جلال وأنا كل يوم على قلبكم.
وحول الفيديو المتداول لها وهي تسب إحدى المتابعات على موقع تيك توك، أوضحت فيفي عبده: أنا واحدة لساني طويل ومعروف أن لساني طويل مش هقول لساني قصير وهعيش الدور معنديش الكلام ده، أنا عندي اللي في قلبي على لساني بقوله وفي أي حته شتمتها عشان أكيد هي مش كويسة وهي استفزتني عشان كده شتمتها.
وأثارت تصريحات فيفي عبده حول الموت جدلًا واسعًا على مواقع التواصل الاجتماعي المختلفة، حيث قالت فيفي خلال حضورها عزاء المنتجة ناهد فريد شوقي في تصريحات تلفزيونية خلال أداء واجب العزاء: والله ما عندي حاجة أقولها غير إن أيامنا سودة ومهببة بستين نيلة، نشوفكم بكرة إن شاء الله في عزاء تاني، يخليكم لينا يا رب.
