75 ألف ليه؟.. إنفلونسر تشكو من أسعار إعلانات البلوجرز: هتدخليلي كام عشان ادفعلك الرقم ده
نشرت سلمى حسني، إنفلونسر، فيديو عبر حسابها الخاص بـ تيك توك، تشكو خلاله من ارتفاع أسعار إعلانات البلوجر، والتي طالبتها بدفع 75 ألف جنيه للإعلان.
شكاوى من ارتفاع أسعار إعلانات البلوجر
وكشفت سلمى، من خلال الفيديو، أن شقيقتها تواصلت مع إحدى الفتيات المشاهير للمشاركة بحملة إعلانية عن مركز التجميل الخاص بهما على مواقع التواصل، والتي تتضمن عرض منتجاته وخدماته مع التجربة بكل شفافية، ومشاركة رد الفعل مع جمهورها على حسابها الخاص، بالإضافة إلى توفير الخصومات بشكل أفضل.
وأضافت: ومقابل الإعلان عن البيوتي سنتر طلبت مني إنها هتعمل ضوافرها بأعلى الخامات المتوفرة، وهتعمل جلسات تنضيف بشرة وكل حاجة موجودة في السنتر تقريبًا ببلاش ليها ولأمها ولأختها، أما عن المقابل المادي فهي علقت قائلة: وقالتلي أما عن الفلوس.. لو هنزل فيديو على إنتسجرام أو تيك توك..هاخد 75 ألف جنيه.
واختتمت سلمى الفيديو، متساءلة عن غلاء أسعار إعلانت البلوجر، مقابل الفيديو على حسابها الشخصي: إيه الرقم ده..بلاها إعلانات بلوجرز أنا آسفة.
تعليقات المتابعين على السوشيال ميديا
وعلق حد المتابعين لسلمى من حساب باسم زياد زيدان: الرقم ده على الأقل بكون عندها فوق الـ 10 مليون متابع، ومتابع آخر من حساب باسم أحمد عمر: طيب طبيعي تطلب فلوس ده شغلها.
وشاركت متابعة أخرى من حساب باسم رانا: لما تحسبيها بالدولار تعرفي إنه الرقم قليل ومعقول جدًا، بس هو المفروض تكون فلوس من غير خدمات ولو خدمات خدمة بسيطة يعني.
