محمد رضوان: كوميديا فيلم عادل مش عادل مختلفة.. وصراع يجمعني بأحمد الفيشاوي في العمل
كشف الفنان محمد رضوان تفاصيل تحضيرات شخصيته في فيلم عادل مش عادل، بطولة الفنان أحمد الفيشاوي، حيث من المقرر عرضه قريبًا في السينمات.
فيلم عادل مش عادل
وتحدث محمد رضوان خلال لقائه مع القاهرة 24، عن تفاصيل فيلم عادل مش عادل، قائلًا: الكوميديا في فيلم عادل مش عادل مختلفة، وفيها قدر كده من الفانتازيا الجميلة، واللي هيتفرج على الفيلم هيعجبه إن شاء الله، وأنا وأحمد الفيشاوي في صراع ما بينا طول الفيلم لكن تجمعنا صداقة أيضًا طوال الأحداث، وطريقة سرد الفيلم مختلفة وفيها تشوق وإثارة.
وعن كواليس تعاونه مع أحمد الفيشاوي، أضاف رضوان: أحمد الفيشاوي شخصية حرة وبيعمل اللي هو عايزه واللي في دماغه بيعمله، مفيش اللي يعوق أفكاره ولا تصرفاته، وهو طول الوقت عامل زي الطفل الصغير طول الوقت بنتعامل معاه كده وهو كشخص محبوب من الكل.
أما عن أمنياته لعام 2024، أكمل محمد رضوان تصريحاته قائلا: يا رب يديم علينا الستر والصحة، ونقدم أعمال محترمة، وتبسط الناس.. والناس تحترمنا من خلالها.
ويشارك في فيلم عادل مش عادل، أحمد الفيشاوى، دينا الراقصة، محمد رضوان، محمود البزاوي، شيري عادل وغيرهم من الفنانين.
