عصام السقا عن الإسكندراني: التحضيرات كانت صعبة بسبب الأكشن.. وفيه كيميا بيني وبين العوضي
أعرب الفنان عصام السقا عن سعادته بالمشاركة في فيلم الاسكندراني، بطولة الفنان أحمد العوضي، إلى جانب حديثه عن كواليس العمل والتعامل بينه وبين أحمد العوضي والمخرج خالد يوسف.
وتحدث عصام السقا في لقائه مع القاهرة 24 خلال العرض الخاص بفيلم الاسكندراني، قائلًا: كواليس العمل كانت صعبة جدًا، والتفاصيل الخاصة بتحضير الأكشن كانت مرهقة جدًا.. فضلنا شهر نعمل بروفات وسافرنا كذا مكان صورنا فيه، بس لما بتكون بتعمل الحاجة بحب وعندك ثقة وتفاؤل إن ربنا هيكرمك ده اللي كان مخلي الواحد عنده حماس، وطول الوقت كنا مبسوطين بالشغل.. وأتمنى من ربنا يكرمنا ويجبر بخاطرنا.
وأضاف عصام السقا: أحمد العوضي صاحبي، وفيه تعامل بينا قدام الكاميرا وخلفها، وبالنسبالي كان في كيميا بينا، وحتى لما ظهر للناس قدام الكاميرا.. أتمنى إن شاء الله الفيلم يعجبهم، ويبقى الجمهور راضي ومبسوط عنه.
وأكمل: أستاذ خالد يوسف غني عن التعريف، وهو عايز يعمل شغل أصلي، ومش بفهم فكرة إن التعاون صعب لأنه مخرج عايز يطلع الممثل في أحسن حالاته، وعاوز ينجح العمل، وخايف على الممثل، وخايف على العمل، ودي حاجة تفرح الواحد، وتخليه ميضايقش.
فيلم الإسكندراني
وفيلم الاسكندراني بطولة الفنان أحمد العوضي، ويشارك فيه مجموعة من النجوم، أبرزهم بيومي فؤاد، عصام السقا، زينة، رحاب الجمل، وآخرون.
