أحمد العوضي عن لزمات الكلام في أعماله: الناس بتستناها
تحدث الفنان أحمد العوضي عن كواليس فيلم الإسكندراني الذي يلعب بطولته مع المخرج خالد يوسف، والذي طُرح في موسم رأس السنة 2024.
وقال أحمد العوضي، خلال لقائه في قناة الظفرة: بشتغل وبجتهد على قد ما أقدر عشان الشغل يطلع على المستوى المطلوب اللي الناس مستنياه، واستقبال إخواتي في الإسكندرية كان فوق ما أتخيل وحب الناس فضل من ربنا، وأنا لما باخد أي شخصية بهتم بتفاصيلها فبعدت عن الكليشيهات وعن اللي الناس معتادة عليه، وأنا بحب ديمًا اعمل الحقيقة، عشان فيه فرق بين اللي موجود في التليفزيون والشارع.
وأضاف العوضي: ديه طريقتي في الشغل، ولما ذاكرت الإسكندراني كان فيه صراع درامي ضعب معملتوش قبل كده، وهو الصراع اللي بيبقى مع الأب، صراع الأجيال، هو عايز يفرض رأيه على ابنه.
أما عن استخدامه لزمات كلامية في أعماله الفنية، أردف أحمد العوضي: الناس بتستنى مني ده فبعملهولهم زي أحلى على الأحلى وعلى الله حكايتك وولا يا ولا.
وعن التعاون مع المخرج خالد يوسف، استكمل حديثه: شرف ليا التعاون مع المخرج خالد يوسف، وكان المفروض نتعاون مع بعض في مسلسل سره الباتع ولكن محصلش نصيب.
أعمال أحمد العوضي الجديدة
وأشار أحمد العوضي إلى أنه يعكف على تحضير مسلسل حق عرب، المقرر أن ينافس به في موسم دراما رمضان 2024، مضيفًا: مسلسل دباح، وإن شاء الله يعجب كل أخواتنا.
