تسنيم مطر تكشف كواليس مشهد اغتصابها في فيلم الإسكندراني بطولة أحمد العوضي
كشفت الفنانة الشابة تسنيم مطر، كواليس مشاركتها في فيلم الإسكندراني بطولة الفنان أحمد العوضي، المنافس حاليًا في دور العرض المصرية، والمشارك في موسم أفلام رأس السنة 2024.
وقالت تسنيم مطر خلال لقائها مع القاهرة 24: أستاذ خالد يوسف كان مطمني إن مفيش أي حاجة هتحصل خارجة، وكنت حابة الدور؛ لأنها شخصية جديدة عليّا، وكمان تسنيم كبرت فبقيت بتعمل أدوار كبيرة.
أما عن مشاركتها في مسلسل وبينا ميعاد 2، أردفت تسنيم مطر: الجزء التاني هيعجبكم أكتر من الجزء الأول وأحداثه جديدة ومختلفة وهتحسوا إنه مسلسل تاني، وشخصيتي ليلى في المسلسل هتدخل الجامعة وهتعيش قصة حب وكبرت وعقلت، ولكن ليلى لسه عنيدة وديه حاجة شبهي.
وعن مشاركة الفنانة أميرة أديب في مسلسل وبينا ميعاد 2 بدلًا من الفنانة داليا شوقي، أضافت تسنين: إحنا قعدنا بروفات ترابيزة واتعودنا على بعض، لحد ما بقى فيه بينا كيميا.
أعمال تسنيم مطر الجديدة
وأشارت تسنيم مطر إلى أنها تنتظر طرح فيلم ليلة العيد بطولة الفنانة يسرا في نهاية الشهر الجاري، قائلةً: الفيلم متعوب فيه وكل واحدة في الفيلم بتتعرض لأذى أو قهر أو ظلم من راجل فبنخرج كلنا عن صمتنا.
الجدير بالذكر أن فيلم ليلة العيد يضم كل من الفنانة يسرا، يسرا اللوزي، غادة عادل، ريهام عبد الغفور، عبير صبري، نجلاء بدر، سيد رجب، عارفة عبد الرسول، هنادي مهنا، محمود حافظ، أحمد خالد صالح، سميحة أيوب، والفيلم من تأليف أحمد عبد الله، وتحت قيادة المخرج سامح عبد العزيز.
