صاحب دور هشام في سابع جار: المشاهدين اتمنوا حد زي شخصيتي في حياتهم
تحدث الفنان أحمد رفعت عن دوره الشهير في مسلسل سابع جار، وتجسيده لشخصية هشام، الذي تفاعل معها الجمهور بشكل كبير وقت عرض العمل.
وقال أحمد رفعت خلال لقائه مع القاهرة 24: مسلسل سابع جار كان أول تجربة ليا في التمثيل، وطبعا مكنتش متوقع إن العمل يحقق النجاح ده ولا دوري، والحمد لله هو كان فتحة خير عليا ووش السعد، وعجب كل الناس عشان كانوا بيحسوا إنهم قاعدين في البيت عندهم نفس العيلة، ونفس كل حاجة بتاعة الأمهات والمواضيع الأسرية، وهو عشان من الناس فعجب الناس.
وتابع أحمد رفعت: الجمهور تفاعل جدا مع فكرة الـ friend zone اللي شخصية مي كانت حاطة هشام فيها، وإنه كان دايما معاها وبيجيبلها كل حاجة، فكل الناس كانت بتدعي يبقى عندهم حد زي هشام في حياتهم، والحمد لله الدور علّم مع الناس ولحد دلوقتي فاكرينه.
مسلسل سابع جار
عرض مسلسل سابع جار في عام 2017، وينتمي العمل لنوعية الدراما الاجتماعية والأسرية، وشارك في بطولته العديد من الفنانين، أبرزهم الفنانة دلال عبد العزيز، سارة عبد الرحمن، هيدي كرم، نيقولا معوض، شيرين، رحمة حسن، محمود الليثي، أحمد داش، هناء الشوربجي، فدوى عابد، وغيرهم، والعمل من إخراج نادين خان، أيتن أمين، هبة يسري، ودارت أحداث مسلسل سابع جار في إطار اجتماعي، حول الأسر المصرية وطبيعة حياتهم ومناقشة مشاكلهم اليومية.
