جيهان الشماشرجي عن رحلة 404: منى زكي بتساعد كل اللي في اللوكيشن.. والشغل مع هاني خليفة ممتع
تحدثت الفنانة جيهان الشماشرجي، عن كواليس مشاركتها في فيلم رحلة 404، بطولة منى زكي، من تأليف محمد رجاء وإخراج هاني خليفة، والذي يعرض حاليًا بدور العرض السينمائي.
وقالت جيهان الشماشرجي على هامش العرض الخاص للفيلم: شخصيتي كانت نقطة في طريق غادة الشخصية اللي بتجسدها منى زكي، علشان توصل لحاجة معينة وكانت بتتخابث في بعض النقاط، وهي شخصية مختلفة جدًا عن أي شخصية عملتها، وشخصية جديدة تمامًا عليا وشدتني جدًا.
وعن التحضيرات للشخصية قالت: اتفرجت على فيلم بحبه جدًا اسمه في الليل يرقصن، مع إن هي مش رقاصة، ولكن فيه بعض الحاجات اللي ممكن ألقطها وتساعدني في التحضير للشخصية، وحضرت للشخصية بشكل كبير.
وأضافت جيهان الشماشرجي عن التعاون مع هاني خليفة: بحبه جدًا على المستوى الشخصي، وعلى المستوى العملي اشتغلت معاه مرتين، أول مرة في مسلسل نمرة اتنين، ودايما الشغل معاه ممتع وبيطلع حاجة مختلفة من الممثل.
أما عن التعاون مع منى زكي فقالت: منى زكي بروفيشنال وجميلة وبتساعد كل اللي في اللوكيشن، واتبسطت أوي في الفيلم معاها.
تفاصيل فيلم رحلة 404
واحتفل صناع فيلم رحلة 404 بالعرض الخاص له في إحدى السينمات، وبدأ عرضه في حميع السينمات بتصنيف عمري + 18 ويشارك في بطولته إلى جانب منى زكي كل من: محمد ممدوح، محمد فراج، شيرين رضا، خالد الصاوي، حسن العدل، محمد علاء، عارفة عبد الرسول، سما إبراهيم، جيهان الشماشرجي وشادي الفونس، وعدد آخر من الفنانين وهو من تأليف محمد رجاء، ومن إخراج هاني خليفة، وإنتاج محمد حفظي.
