شاهدة على واقعة اغتصاب طالبة المرج: شوفتهم وهما خاطفينها وبلغت مامتها | خاص
يواصل القاهرة 24 نشر التحقيقات في واقعة اغتصاب طالبة المرج على يد 3 أشخاص، بعد تمكنهم من استدراجها لمنطقة البركة في المرج بمحافظة القاهرة، تحت تهديد سلاح أبيض مطواة، وتناوبوا على اغتصابها حتى أفقدوها عذريتها، والتقط أحدهم مقطع فيديو رصد الواقعة، ما دعا الفتاة للإبلاغ عنهم.
اغتصاب طالبة المرج
وقالت شاهدة عيان على اغتصاب طالبة المرج: اللي حصل إنه يوم الأربعاء 6 ديسمبر حوالي الساعة 6 مساءً لقيت طالبة المرج ماشية مع الاثنين اللي اسمهم حسن ومصطفى، وبعد كده ندهت عليها راحت بصتلي ومردتش عليا، وهما قالولها حاجة معرفش إيه هيا، راحت مكملة مشي معاهم، روحت كلمت أمها وقولتلها على اللي شوفته وبعد كده روحنا عند أبو المتهم حسن قولنالوا شوف ابنك خد البنت ووداها فين، والناس بدأت تتلم وبعد كده أنا مشيت وده كل اللي حصل.
وقالت والدة طالبة المرج المغتصبة في التحقيقات: يوم الأربعاء 6 ديسمبر حوالي الساعة 6:15 مساءً في واحدة جارتنا في المنطقة كلمتني وقالتلي إن هيا شافت فرح بنتي ومعاها عيلين من المنطقة، وهما عيلين سوابق فأنا قولتها بإن أن هاجي على المنطقة أشوف في إيه.
وقالت طالبة المرج المغتصبة في التحقيقات: اللي اسمه أحمد دخل جاب باطنية لونها أزرق من وسط الزرع وفرشها جنب السور وقال حاجة أهي ننام عليها أحسن من التراب والمرمطة، وبعد كده أحمد وحسن مشيوا سابوا مصطفى وحاول يعتدي عليا، وأنا بدأت أصوت راح ضربني بالبوكس فيوشي وبعد كده أقام معايا علاقة كاملة لمدة ربع ساعة فقدت فيها عذريتي.
وتابعت فتاة المرج المغتصبة في التحقيقات: بعد ما مصطفى خلص، جه حسن وقاله دوري بقا راح مصطفى وحاول بردو يقيم معايا علاقة غير شرعية، ولما أنا صوتت راح ضربني في وشي لحد ماعورني في شفتي وأقام معايا علاقة كاملة ومصطفى كان بيصور بالتليفون بتاعه وبعد كده حسن ومصطفى طلعوا بره واللي اسمه احمد جه وعمل معايا علاقة كاملة، وحاولت أزق فيه بس معرفتش وبعد كده الناس بدأت تشغل نور ويشوفوا الصوت دي منين، فهربوا وأنا استنيت لغاية ما لقيت أمي جاتلي.
