محمود دونجا: وقفت مع الإسماعيلي.. ورفضت الحجز على النادي لمساعدته في أزمته
تحدث محمود عبد العاطي دونجا، لاعب نادي بيراميدز الحالي والإسماعيلي السابق، عن مساندته للدراويش خلال أزمة إيقاف القيد الحالية.
تصريحات محمود دونجا
وقال محمود دونجا عبر حسابه على موقع التواصل الاجتماعي فيسبوك: توضيح تم التنازل عن 25% للنادي الإسماعيلي من مستحقاتي ومتبقي 25% في شيك من المهندس يحيى الكومي.
وأضاف محمود دونجا: رفعت دعوى على المهندس يحيي بالشيك وكسبت القضية بس القضية جت بالحجز على النادي لأن الشيك طالع من النادي مش من حسابه الشخصي وجه الحكم بالتنفيذ.
وأكمل محمود دونجا: كلمني المحترم العميد أحمد النجار من 20 يوم قالي مشكور على 25 % اللي اتنازلت عنهم بس بستأذنك توقف الحجز لأن احنا بنفك قيد وهنجيب لعيبة واقف مع النادي قولتله لو فعلا الإدارة هتعمل كده تفك قيد وتجيب لعيبه والنادي يخرج من اللي هو فيه أنا أول واحد واقف مع النادي ومش هحجز على حاجة.
وتابع لاعب الإسماعيلي السابق: هو ده اللي حصل وقفت كل حاجة دون ولا جنيه قولتلهم النادي يخرج من اللي هو فيه وبعد كده نشوف.
واختتم لاعب بيراميدز الحالي: أي حاجة تانية حد قالها أخبار كلها أونطة وأما بيكلموني بيبقوا محتاجين حاجة بساعدهم فيها لو أقدر وربنا يكرم الناس وتقدر تخرج النادي من اللي هو فيه.
