مسلم عن نجاح أغنية اتنسيت: لمست قلوب الجمهور من جوه..وماليش دخل بنجاحها
كشف المطرب مسلم عن السبب وراء نجاح أغنيته الشهيرة اتنسيت، مشيرًا إلي أنه ليس له دخل بنجاحها.
وتحدث مسلم خلال لقائه مع الـ القاهرة 24، حيث قال: نجاح الأغنية ليس معتمد عليا والصدى اللي حققته الأغنية بسبب أن كلماتها لمست قلوب الجماهير من جوه، وتوفيق ونجاح الأغنية جاء من قلوب الجمهور ماليش دخل بنجاحها.
وفي سياق آخر، كشف مسلم عن تجربته لفيلم درويلة خلال تصريحاته مع القاهرة 24 مؤخرًا، تجربة فيلم درويلة مختلفة، مشيرًا إلى أنه رفض العمل بالبداية عندما عرض عليه، معلقًا: رفضت في الأول عشان مكنتش حابب تجربة التمثيل بس بعد كده حسيت أنها ممكن تكون لطيفة.
رأي مسلم عن أغاني المهرجانات
وعن إمكانية مشاركته في ديو غنائي مع مطربي المهرجانات، أوضح مسلم: صعب أعمل أغاني مهرجانات لأني مبحبش النوعية دي من الأغاني ومهتم جدًا باللون بتاعي وليا بصمة خاصة، مش حابب أخسرها والأغاني مش شبه اللي موجودة.
مسلم يكشف عن رأيه في فكرة الذكاء الاصطناعي
وحول رأيه في فكرة الذكاء الاصطناعي، أكد مسلم: عجبني الذكاء الاصطناعي بس في نفس الوقت هو يقلق الواحد، ولكن إحساس المطرب نفسه صعب يتعوض مهما حاولت تعمله محاكاة، هو ليه مميزات وليه عيوب بس يا رب متكونش كتيره جدًا ومن مميزاته أنك تقدر تسمع أي أغنية عجباك بصوت مغني تاني أنت بتحبه.
