محمد الغيطي عن انتقاد أعماله: اللي هاجموا أصوات قليلة نفوسهم مريضة
علق المؤلف محمد الغيطي على الهجوم وردود الفعل السلبية التي تلقاها خلال الفترة الماضية، منها انتقادات مسلسل الضاحك الباكي بطولة الفنان عمرو عبد الجليل، وارتداء الفنانة رانيا يوسف بدلة رقص في مسلسله جريمة منتصف الليل المقرر عرضه في رمضان 2024.
وقال محمد الغيطي خلال لقائه مع القاهرة 24: فيه تربص وفيه ناس أحيانا بتتعمد تشوه وتنقل غلط وتطلع إشاعات واتعودت على ده إلا إذا لقيت فيه سب وقذف مباشر بضطر أخد إجراءات قانونية ولكن أنا مؤمن بإن الإنسان لازم يكمل شغل، وفي مرة عبد الوهاب قال للناس اللي بتنتقده هاتوا الجرائد اللي اتشتمت فيها لو وقفت عليها هعلو للسماء، فأنا بقف عليها وبعلو.
انتقادات مسلسل الضاحك الباكي
وأضاف الغيطي عن انتقادات مسلسل الضاحك الباكي: أغلبية اللي قابلتها حابين العمل ونفسهم يبقى فيه جزء تاني بقولهم ده مفيش أجزاء تاني الراجل مات في آخر المسلسل، واللي هاجموا دول أصوات قليلة في نفسها مرض.
وأردف محمد الغيطي: هو أنتم شوفتوا نجيب الريحاني غير في 6 أو 7 أفلام وده بعد ما عدى سن 50 سنة، أنتو مشفتوش كل المراحل بتاعته، إحنا معندناش ثقافة تلقي الأشياء زي بره، ده غاندي وهتلر اتعملوا 100 مرة وحتى شخصية المسيح نفسه اتعملت بشكل ساخرـ معندناش ثقافة تلقي زاوية معينة عن حياة شخصية.
