ناهد السباعي: جرأتي أضافت لي.. ومعظم أعمالي ناجحة وترضي تاريخ أهلي
تحدثت الفنانة ناهد السباعي، عن تأثير عائلتها الفنية في مشوارها، مؤكدة أنها تبذل قصارى جهدها في تنمية موهبتها، وأنها راضية عن جميع الأعمال التي قدمتها حتى الآن.
وقالت ناهد السباعي، على هامش حضورها ملتقى للمرأة: أنا مقتنعة إن الإنسان لو اشتغل على موهبته بيبقى تاريخ، وأنا دايمًا بفكر بشكل مختلف، وإزاي اشتغل بشكل مختلف، ودايمًا بيبقى صعب إنك تنمي نفسك لإن دايمًا بتمر بظروف صعبة وإزاي تقدر تكمل.
وتابعت ناهد السباعي: أنا بحاول على قد ما أقدر أقدم موهبتي، ومعظم أعمالي كلها كانت ناجحة وترضيني وترضي تاريخي وتاريخ أهلي، وكان دايمًا عندي تساؤلات عن حاجات معينة من أهلي، ده اللي مفتقداه دلوقتي.
ناهد السباعي: جرأتي مأثرتش عليا والمغامرة أضافت ليا
وأضافت ناهد السباعي: الحمد لله جرأتي مأثرتش عليا، وأي فيلم خدت فيه مغامرة أضاف ليا جدًا زي يوم للستات واحكي ياشهرزاد.
وعن المنافسة مع بنات جيلها، فعلقت ناهد السباعي: صعب أقول مين جيلي ومين الناس اللي معايا ومين اللي بنافسهم، وفي ناس كتير بحبها وبحب شغلهم.
ناهد السباعي تخوض السباق الرمضاني بـ مسلسل محارب
وعلى جانب آخر، تخوض الفنانة ناهد السباعي السباق الرمضاني المقبل بمسلسل محارب، ويشاركها في البطولة كلًا من: حسن الرداد، أحمد زاهر، ماجد المصري، نيرمين الفقي، محمود عمرو ياسين، منة فضالي، أحمد عنان، ملك أحمد زاهر، نور محمود، سلوى عثمان، وغيرهم، وهو من تأليف محمد السيد بشير، وإخراج شيرين عادل.
