آخر ما قالته نيرة صلاح طالبة العريش
ما زالت واقعة نيرة صلاح طالبة العريش تتصدر المشهد عبر مواقع التواصل الاجتماعي بعد تناولها حبة سامة، حتى لفظت أنفاسها الأخيرة مساء السبت الماضي، جراء حملة ابتزاز تعرضت لها من قبل زميلتها في الجامعة تدعى شروق، وفقًا لما تداوله أصدقاؤها.
آخر ما قالته نيرة صلاح طالبة العريش
وتداول رواد مواقع التواصل الاجتماعي صورا لـ شروق مدونة عليه كلمة “القاتلة”، في إشارة منهم لتسببها في إنهاء حياة نيرة صلاح طالبة كلية طب العريش.
نيرة صلاح طالبة كلية طب العريش
ونشرت إحدى مستخدمات مواقع التواصل الاجتماعي عبر صفحتها على إنستجرام تفاصيل جديدة، قائلة: شروق دي صورت صديقتها بدون عملها وهي في الحمام بتستحمي، وحطت التليفون في مكان مش متشاف، وصورتها فيديو وطلعت صور من الفيديو وبعتت الصور دي للواد اللي ماشي معاها واسمه طه.
طالبة كلية العريش
وزعمت الفتاة في واقعة وفاة نيرة صلاح طالبة العريش:الاثنين دول فضلوا يذلوا ويهينوا في نيرة دي وسط جروب الدفعة، ووصلت بيهم الوقاحة إنهم ينزلوا ينشروا في جروب الدفعة على إنهم هيفضحوها، وفضلوا يتريقوا عليها، عشان كانت ملتزمة وبتصلي بيهم في السكن.
وتابعت الفتاة في واقعة طالبة العريش: البنت من كتر غلبها فضلت تتأسف ليهم عشان الحوار يتحل، وعشان هي من الأرياف، وطبعا عارفين فضيحة زي دي لبنت في الأرياف هتعمل إيه في حياتها ومستقبلها، وهي مكنتش معرفة أهلها باللي حصل عشان غلابة وعلى قد حالهم، المهم البنت دي كانت صايمة، وبعدما الحوار سكت على كده واعتذرت وكان يومها جميل، ومكلمة باباها وأهلها، ومحولين ليها فلوس مصاريفها، فجت تفطر جالها تسمم من العصير اللي هي كانت عملاه في السكن، وتقريبا كده اتحطلها حبوب غلة في العصير.
وأكملت: فضلت ترن وتشتكي لأمها من وجع بطنها وفضلت ترجع وهي كانت صائمة، والبنت اتحولت على العناية المركزة، وإحنا عايزين قضيتها رأي عام، ودي صور البنت اللي عملت فيها كده، وأم شروق دي كانت على علم بكل حاجة حصلت.
