عريس المحلة قاتل زوجته في التحقيقات: كان بينّا حب 3 سنين.. وخلافاتنا بدأت من شهر العسل

كشفت التحقيقات في قضية مقتل عروس المحلة على يد زوجها، وجود خلافات بين الزوجين، منذ لحظة زواجها، وسابقة وقوع مشادات كلامية بينهما، ومشاجرات منذ زواجها عام 2022، حتى انتهت المشادة الأخيرة بمقتلها.

التحقيقات مع عريس المحلة قاتل زوجته 

القاهرة 24 ينشر الأقوال الكاملة لعريس المحلة المتهم بقتل زوجة عروس المحلة، حيث واجهته النيابة العامة، بما هو منسوب إليه من اتهامه بقتل المجني عليها روان محمد عبد السلام؛ بأن عقد العزم وبيت النية على قتلها وأعد لذلك سلاحا أبيض - سكين، وما إن ظفر بها حتى انهال عليها ضربا وطعنا باستخدام السلاح الأبيض؛ قاصدا من ذلك إزهاق روحها فأحدث ما بها من إصابات، فيما أنكر المتهم هذه التهم وقال: أنا مش قصدي أقتلها.

كما واجهته النيابة العامة، من أنه متهم بحيازة وإحراز سلاح أبيض سكين دون مسوغ من الضرورة المهنية والحرفية، فقال: هي اللى كانت ماسكاها، وهي روان محمد عبد السلام محمد مراتي، اتجوزتها في 21 يوليو 2022، عن حب؛ كانت معايا في كلية تربية رياضية جامعة المنصورة، واتعرفت عليها وخطبتها في 2020، وبعد ما اتخرجنا اتجوزنا وقعدنا في بيت أبويا، والحياة معاها كانت زي أي اثنين متجوزين فيها أيام حلوة وأيام وحشة، وربنا رزقنا بعدها بسنة بابني عبد الرحمن، والحياة كانت شبه مستقرة.

قضية عريس المحلة

وأضاف زوج المحلة المتهم بقتل زوجته في التحقيقات: فيه خلافات بينّا، وأول خلاف بينا كنا في شهر العسل بعد أسبوع، كنا في الإسكندرية وأنا كنت رايح أسحب فلوس من فودافون كاش ومكنش فيه شبكة في المحل، فطلعت أكلم ابن خالتي محمد إبراهيم عبد السميع علشان يبعتلي اسكرين شوت بالتحويل، ومراتي كانت ساعتها مستنياني في المحل، وبعد ما ابن خالتي بعتلى الاسكرينة رجعت المحل علشان أوريله الاسكرينة؛ لقيت مراتي منفعلة وبتقولي إنت سايبني كل ده ليه، فقولتلها يا بنتي مكنش فيه شبكة، فشتمتني، وكان الكلام ده قدام الراجل اللى واقف في المحل، وبعدها طلعنا بره المحل، فقالتلي يلا علشان نروح المحل، وأنا مبردش عليها علشان كنا قدام الناس ومش عايز فضايح، وبعدها ركبنا ميكروباص علشان يودينا الشقة ومرضيتش تقعد جنبي، وفضلت طول الطريق تهلفط بالكلام، وأنا عامل نفسى إن الكلام مش موجه ليا.

تأييد حكم الإعدام على قاتل زوجته لتقديمها قربانا للجن بالفيوم

جنايات المنيا تحيل قاتل زوجته وصغيرته إلى المفتي

يذكر أن منطقة الشعبية بدائرة قسم ثان المحلة بمحافظة الغربية، شهدت واقعة مقتل زوجة المحلة على يد زوجها بطعنة نافذة في القلب أودت بحياتها، وتم القبض عليه وإحالته إلى جهات التحقيق، التي قررت إحالته إلى محكمة الجنايات.