اعتبرها حبيبته.. مصطفى كامل: حلمي بكر لقى مع بنته اللي ملاقهوش مع الستات
تحدث الفنان مصطفى كامل، عن الأزمة الأسرية التي كان يعاني منها الموسيقار الراحل حلمي بكر، مشيرًا إلى إنه تعهد على نفسه عدم التدخل في مشاكله بعد ذلك.
وقال مصطفى كامل خلال تصريحات تليفزيونية: كنت واخد عهد على نفسي إني مش هتدخل في أي أمر يخص الأستاذ حلمي بكر، لأني تعبت من اندفاعي اللي بعمله عشانه وهو بيرجع يتهاون في حق نفسه تاني.
وواصل مصطفى كامل: أنا كنت بحبه وهو راجل بيحبني، وقيمة في حياتي أنا شخصيا، لكن في فترة قولت خلاص أنا هبعد عشان عندي بيتي وولادي وسمعتي، وكل الهجوم اللي كنت بتهاجمه كان بسبب حبي لـ حلمي بكر، ولما هشام ابنه كلمني من مصر كنت بقوله من فضلك أنزل لوالدك وإحنا هنقف في ضهرك بس أنت أولى به.
مصطفى كامل: حلمي بكر لقى مع بنته اللي ملاقهوش مع الستات
وأضاف مصطفى كامل: بعد كل مشكلة كنت بقف فيها مع حلمي بكر، كان يرجع تاني وحجته كانت بنته، كل كلامه كان عن بنته، وفي فترة الانفصال عن والدتها كنا بنتقابل ويقعد يكلمني عنها، وأنا شوفت في عينيه إن البنت دي كانت نقطة ضعفه، وهو تلاعب بيها، وكان بيدور على حاجة يحبها في حياته ولقاها، واللي ملاقهوش مع الستات لقاه مع بنته، أقنع نفسه إن هي حبيبته.
وفاة حلمي بكر
يذكر أنه توفى حلمي بكر منذ أسبوعين، وأعلنت نقابة الموسيقيين حينها خبر وفاته، عن عمر ناهز 86 عاما، بعد صراع مع المرض في أيامه الأخيرة.
