طالب بكلية العلوم وناجح في شغله.. شقيقة إسلام ضحية التجمع تروي تفاصيل الواقعة | فيديو

كشفت شقيقة المجني عليه إسلام البالغ من العمر 23 عاما، تفاصيل مقتل شقيقها على يد زميله في العمل بعدما سدد له عدة طعنات نافذة، بسبب خلافات بينهما على وقت الراحة خلال العمل داخل أحد المستشفيات الخاصة، في منطقة التجمع الخامس بالقاهرة.

حديث شقيقة المجني عليه

وأضافت شقيقة المجني عليه لـ القاهرة 24، أن شقيقها طالب في كلية علوم بالفرقة الرابعة، وكان مجتهد ومتفوق في دراسة وكان ينال أعلى الدرجات.

وأفادت بأن تفاصيل الواقعة بدأت بتلقيها مكالمة هاتفية تخبرها بإصابة شقيقها ونقله إلى المستشفى في حالة خطيرة، وعلى الفور أخبرت والديها بما حدث، ثم توجهوا إلى المستشفى.

وواصلت شقيقة المجني عليه، أن تفاصيل الواقعة بين شقيقها إسلام وزميله محمد وشهرته خربوش، عندما طلب شقيقها منه إطفاء سيجارة كانت مشعلة بيده وقت الإفطار، مفسرة: إسلام شاف زميلة محمد مولع سيجارة قاله خلص يا محمد السيجارة وأدخل بدل زمايلك عشان يفطروا، ودخل وبعد شوية طلع شاف محمد بيولع سيجارة تاني، قال أنا بطلب منك يا محمد بكل أدب تطفي السيجارة وتدخل تبدل زمايلك، رد عليه بلفظ مش كويس قال مش هطفي السيجارة، فقاله طب اتفضل أدخل غير هدومك وتوكل على الله.

وأردفت: أنا كلمت أخويا وقت الفطار عشان ييجي يفطر معانا لكن هو قالي افطروا أنا هفطر في الشغل، وأخويا والمتهم مفيش بينهم خلافات سابقة وأخويا كان بيخاف عليه، عشان والدة متوفي وظروفهم على قدها.

واستكملت: أخويا بقاله 9 أشهر في الشغل ونجح وأصبح المدير هناك، وإسلام أخويا كان بيشد على المتهم أوقات لما كان بيغيب لأنه كان متعاود التأخير والغياب عن الشغل.

وأشارت شقيقة المجني عليه، إلى أن شقيقها خرج من العمل وذهب لحضور جنازة شقيق والدتها وعاد إلى العمل وقت الإفطار لمباشرة العمل، وفطر زمايله قبل ما هو يفطر، وفطر وكان جاي في الطريق، والواقعة حصلت تاني يوم في رمضان.

واختتمت شقيقة المجني عليه، وهو كلمني قبل ما يموت بخمس دقائق وأنا حاولت أرن عليه كتير وهو مكانش بيرد وبعدين الموبايل اتقفل، وبعدها بفترة جالنا اتصال وعرفنا أنه اتصاب وفي المستشفى دلوقتي، حتى إحنا ملحقناش نشوفوا عشان وقت ما احنا وصلنا كان هو دخل الطوارئ.