فتاة: اللي بيموتوا هل بيعرفوا الوقت وهو عندهم مثلنا؟.. علي جمعة يوضح

أجاب الدكتور علي جمعة، مفتي الديار المصرية السابق، على سؤال فتاة نصه: مرور الوقت بالنسبة للموتى، هل لما يموتوا بيعرفوا الوقت والوقت عندهم زينا؟

فتاة: اللي بيموتوا هل بيعرفوا الوقت وهو عندهم مثلنا؟.. علي جمعة يوضح

وقال الدكتور علي جمعة، مفتي الديار المصرية السابق، خلال حلقة برنامج نور الدين: الله يقول: تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ (4)، فالساعة عندنا بـ200 سنة، مضيفا: الناس دي لما تموت مش هتلحق، فسيدنا عيسى رفع إلى السماء منذ ساعة وسيدنا النبي منذ ثلاثة أرباع ساعة.

وواصل علي جمعة: الزمن نسبي، الروح لو قعدت فوق ساعة فهنا عندنا 2000 سنة.

فيما قال الدكتور علي جمعة، مفتي الديار المصرية السابق، إن طبيعة الخطاب الذين يدعون به الناس لابد أن يكون فيه دعوة إلى الرحمة والحب وليس إلى الكراهية، موضحا: فيه خطاب خلى الدنيا والآخرة سودا، واحنا بنقول لهم أنتوا فاكرين الموت عدم، لا الموت حياة، والحياة ليست في الدنيا فقط، لا في حياة في الآخرة برضو.

علي جمعة: وارد إن ربنا يلغي النار يوم القيامة ويدخل كل الناس الجنة

وقال الدكتور علي جمعة، مفتي الديار المصرية السابق، خلال حلقة برنامج نور الدين، المذاع على قنوات الشركة المتحدة، اليوم الثلاثاء: تلاقي اللي بيتكلم عن عذاب القبر والثعبان الأقرع، في كتب كثيرة بتقول في أهوال يوم القيامة، لكن محدش قال في شفاعة وفي 70 ألف شفيع وكل واحد يشفع في 70 ألف شفيع يعني 4 مليار وكل المسلمين 2 مليار بس.

وتابع علي جمعة: وارد إن ربنا يلغي النار يوم القيامة ويدخل كل الناس الجنة، وفي علماء كثيرة، قالوا كده، وممكن النار دي تكون معمولة الناس تكون خايفة من عقاب ربنا فلا يؤذي أحدا، لازم العلاقة بيني وبين ربنا تكون مبنية على الحب والرحمة.

طالبة: لو حد بينزل على الاستوري إنه عايز يموت أو ينتحر؟.. وعلي جمعة: فيه شيء من قلة الأدب