رامز جلال لـ أحمد فهمي: انجازاتك كلها محلات جزارة.. وقاعد تلم فلوس
وجه الفنان رامز جلال، سؤالًا لـ الفنان أحمد فهمي، الذي وقع ضحيته اليوم في برنامج رامز جاب من الآخر، بالإضافة إلى الفنان حمادة هلال، عن سبب عدم وجود فرقة واما على الساحة الفنية.
وقال رامز جلال لـ أحمد فهمي: فريق واما راح فين؟ نزل درجة تانية؟ شكلك وحش قصاد المزز، الدراع ده يتخض؟ لوك عالمي ذقن الخديوي إسماعيل، إحنا عارفين انجازتك كلها محلات جزارة، نادر حمدي بيلحن وأنت قاعد تلم فلوس.
ليرد عليه الفنان أحمد فهمي: ليك شهر فري وأي حد معاك، مش هتدفع ولا مليم.
وسخر رامز جلال، من أحمد فهمي وحمادة هلال، في مقدمة البرنامج، قائلًا: أنا النهاردة هحط النار جنب البنزين، واحد عامل فيها برنس الأشباح وبيحضر العفاريت والأرواح، حاتي الفن وكبابجي الدراما، ومداح الفن، ربنا ما يجعلنا قطاعين أرزاق، وواحد مستحلي نفسه وقال أنا حسين فهمي، والتاني لبس جلابية وقالك أنا المداح، المداح بيتخض يا جدعان.
حمادة هلال في برنامج رامز جاب من الآخر
أما عن الفنان حمادة هلال، فوجه رامز حديثه له ساخرًا عقب خوفه من الكلب، قائلًا: يا عم المداح ما تستخدم قدراتك، حمادة بيحاول يقول التعويذة.. آخرك معايا المداح السنة دي.
