بعد نجاحه في المداح.. حمادة هلال يكشف إمكانية دخول نجله الوسط الفني
كشف الفنان حمادة هلال، إمكانية دخول نجله الوسط الفني، وبدء مسيرته الفنية بعد النجاح الكبير الذي حققه بشخصية داوود، في مسلسل المداح 4.
وقال حمادة هلال في لقائه مع الإعلامية سارة الدندراوي، في برنامجها تفاعلكم: ابني كان نفسه يمثل بقاله فترة بأي طريقة، وأنا مكنتش عايز حاجة تبعده عن الدراسة، وهو قرأ ورق مسلسل المداح من ورايا، وقالي أنا عايز أعمل شخصية داوود، قولتله لو المخرج أقتنع بيك ماشي، وفعلًا راح وقابل المخرج وعمل شوية حركات ووافق عليه.
وتابع حمادة هلال: شخصية داوود صعبة جدًا وكنت مشفق على أي طفل هيعملها، وفجأة بقى ابني، والحمد لله عدى على خير وعمل الدور كويس بشهادة الناس، وأنا شايف أن سنه بيتظلم لأنهم بينجحوا كأطفال ولما بيكبروا بيصطدموا بالناس، متابعا: قولتله يركز في الدراسة دلوقتي وخلاص عملت الدور اللي كان نفسك فيه، ركز وربنا يحفظك ويحفظ إخواتك وأنا مش همنع حد من الطموح، ولو هو عايز يبقى ممثل مش همنعه ولكن هو جه للطريق الصح.
مسلسل المداح
يشارك حمادة هلال في بطولة مسلسل المداح، كلًا من: فتحي عبد الوهاب بالإضافة لنجوم المواسم السابقة هبه مجدي ودنيا عبد العزيز وخالد سرحان ومحمد عز وحنان سليمان وتامر شلتوت وصبحي خليل وظهور خاص لبعض النجوم مثل سهر الصايغ ومي سليم ودياب وحمزة العيلي ومن تأليف أمين جمال، وليد أبو المجد، شريف يسري وإخراج أحمد سمير فرج وإنتاج سيدرز آرت برودكشن (صباح إخوان). ومنتج منفذ شركة أجورا ميديا للإنتاج.
