نجيب ساويرس حبيبي.. كهربا يعلق على سداد غرامة الزمالك
علق محمود كهربا لاعب النادي الأهلي، على سداد الغرامة الموقعة عليه لصالح نادي الزمالك بقرار من الاتحاد الدولي لكرة القدم فيفا.
تصريحات محمود كهربا
وقال لاعب النادي الأهلي محمود كهربا في تصريحات تلفزيونية: موضوع الغرامة كنت هطول فيه شوية وأقعد سنتين تاني وكابتن حسين لبيب شخصية محترمة وقربنا المسافات وربنا سدد في الوقت المناسب.
وأضاف: احنا كرجالة بنعرف نجيب فلوس، وقلت اشتري نفسي ومكنتش هدفع وأكمل كورة كده، والموضوع يطول في المحكمة شوية وبعدها اعتزل، عشان الموضوع أنا مظلوم فيه، ومش حق حد عندي، وفيه ناس ساعدتني في الغرامة لأن الناس بتحب الأهلي أوي وبيحبوا كهربا أوي، لأني بطبيعتي وراضي.
وأتم كهربا تصريحاته قائلًا: نجيب ساويرس حبيبي، ومش لازم الناس كلها تعرف، ودفعت 70%، وربنا هيكرم تاني، وموجعتنيش الغرامة، وهما 76 مليون أصلا، واللي كان بيتكلم عليا كان برنامجه مبني على كهربا عشان يطلع بس مش أكتر.
رسالة كهربا لـ خالد الغندور
وحرص محمود عبد المنعم كهربا، لاعب النادي الأهلي، على توجيه رسالة إلى الإعلامي خالد الغندور قائلًا: ربنا يهديه لست حزين من انتقاده لي، وهناك الكثير من التفاصيل الأخرى، ازاي كان بيطلع يقول للناس إن كهربا هيتوقف بكرة.
وأضاف كهربا أن خالد الغندور لم يكن يمتلك أي تفاصيل عن العقوبة التي يتعرض لها، متابعًا: سنة كاملة البرنامج مبني على كهربا ولكن كل الكلام كذب.
وأكد أنه كان يكذب على الجمهور بأشياء غير حقيقة ولا تحدث، مضيفًا: مش هوافق أطلع معاه.. ومش معايا رقمه، موضحًا أن قناة لمدة سنة كانت تتطرق للحديث عني بأشياء لم تحدث.
