تعليق ناري من أمير مرتضى على تصريحات ميدو بشأن رئاسة نادي الزمالك
علق أمير مرتضى، المشرف السابق على الكرة بنادي الزمالك، على تصريحات ميدو الأخيرة بأنه سيكون أصغر رئيس للزمالك.
تعليق ناري من أمير مرتضى على تصريحات ميدو بشأن رئاسة نادي الزمالك
وقال أمير مرتضى منصور المشرف العام السابق على الكرة في نادي الزمالك خلال تصريحات لـ الإعلامية أمير بدر على قناة النهار: ميدو يبقى أصغر رئيس لنادي الزمالك لو أنا مقررتش أكون أصغر رئيس للنادي، لأني أصغر منه وهسبقه، مش حبًا في السلطة إني عايز أبقى رئيس للزمالك، لكني عايز أعمل أسطورة، عايز لما أمشي الناس تقول ده كويس وعمل حاجة، وأنا حاليا مش عايز، وعندي القدرة لكن معنديش الرغبة، وهرشح نفسي في يوم من الأيام بشرط لو ميدو نزل الانتخابات.
وأضاف: عشان مبقاش بقول أي كلام بهزار، بس تجربتي في العمل العام، مش مبسوط منها ولا من الأجواء ولا العلاقات، مش عايز أبقى كومبارس، يا أبقى موجود يا أتفرج على الزمالك من البيت، وميدو مش عضو في نادي الزمالك حاليًا أصلا، بس ممكن يعملها أي وقت، ولو نزل أنا اللي هكسب لأنه عشوائي ومتهور وأعرف أوقعه.
وأتم أمير مرتضى تصريحاته قائلا: لكن ميدو من الناس اللي أشتغل معاه، وأشتغل أي حاجة معاه، أما بيني وبين حازم إمام فامفيش مقارنة بيننا، لأنه حاجة كبيرة ليا وبحبه جدًا وكان قدوتي زمان، لكن عايز دايرة حواليه ويشتغل على نفسه، ولو رئيس فالازم معاه نائب قوي.
