سارة عبد الرحمن عن تفاعل الجمهور بعد مسلسل لحظة غضب: في ناس بعتولي عايزين أرقام دجالين
كشفت الفنانة سارة عبد الرحمن، عن أغرب ردود الفعل التي تلقتها من الجمهور، بعد مشاركتها في مسلسل لحظة غضب، والتي ظهرت خلاله بدور فاطمة التي تفتح باب المندل، وتقرأ الفنجان.
سارة عبد الرحمن: الناس بعتتلي عاوزين أرقام دجالين
وتحدثت سارة عبدالرحمن خلال لقائها مع القاهرة 24: الناس بعتتلي عايزين أرقام دجالين، وقالولي بنكلمك بجد وعاوزة أقولهم يا جماعة دي كانت تمثيلية، وأنا عمري ما روحت لدجالين أصلًا.
وفي سياق آخر تحدثت سارة عبدالرحمن مع القاهرة 24، عن انزعاجها من السوشيال ميديا خلال الفترة الأخيرة.
وقالت: مش بحب إدمان السوشيال ميديا، وبخاف منها، والممثلين زمان كان مطلوب منهم إنهم يمثلوا فقط، دلوقتي إحنا مطلوب مننا النزول في الريد كاربت، وإيفنت معينة ولازم يبقى شكلنا بطريقة معينة، والموضوع ده بجد مسبب ليا إزعاج كبير وبضايق منه، بس دا أمر واقع، وبحاول طول الوقت أني أعمله وأتأقلم معاه بشكلي، ومبقاش متصنعة.
أعمال سارة عبدالرحمن
جدير بالذكر أن سارة عبد الرحمن شاركت في مسلسل لحظة غضب، الذي عرض ضمن دراما موسم رمضان لعام 2024، والذي تكون من 15 حلقة وشاركت به مجموعة من الفنانين بجانب صبا مبارك ومحمد شاهين من أبرزهم: ناردين فرج، سارة عبد الرحمن، ريم خوري، وغيرهم من الفنانين، وهو من تأليف مهاب طارق، وإخراج عبد العزيز النجار، وإنتاج تى فيجن للمنتج طارق الجناينى.
