دون الخضوع لـ أمم أخرى.. خالد الصاوي: الفن المصري قادر يسند نفسه بكرامته
تحدث الفنان خالد الصاوي، عن حال الفن المصري في مصر حاليا، مشيرا إلى إنه في حالة جيدة.
وقال خالد الصاوي خلال تصريحات تليفزيونية: الفن المصري كويس وقادر يسند نفسه ويقف على رجله حاليا، برغم الظروف الصعبة اللي بنمر بيها، وإننا معندناش موارد كتير بس برضه بنقدر ننتج ونعمل أفلام سينما بكرامتنا ومن غير ما نوطي أمام أمم تانية.
خالد الصاوي: عندنا ذكاء ونباهة فنية في مصر
وتابع خالد الصاوي: وإحنا عندنا ذكاء ونباهة ونوع من التعاون حتى غير المباشر، وإذا كان في أعمال وحشة كتير حوالينا، فده كان دايما موجود حتى من زمان، لأن أفلام الخمسينيات والستينيات اللي بنشوفها دلوقتي بتتذاع على التليفزيون، مش هي بس الأفلام اللي تم إنتاجها الفترة دي، بل كانوا بينتجوا أفلام تانية وحشة بس مش بتتذاع وبيبقى في الآخر الأفلام الجماهيرية فقط.
أعمال خالد الصاوي
وعلى جانب أعمال خالد الصاوي الفنية، يذكر أنه ينتظر خالد الصاوي عرض فيلم أصل الحكاية، في دور عرض السينمات، حيث لم يحدد صناعه موعد لعرضه بعد، ويشارك في بطولته كل من الفنانة شيري عادل، هالة فاخر، جيسيكا حسام الدين، عابد عناني، كريم عفيفي، محمد ثروت، يوسف عثمان، رانيا شاهين، وغيرهم، والعمل من تأليف وإخراج محمد أمين.
