كواليس ليلة صعود بتروجيت للدوري الممتاز بعد غياب 5 مواسم
كشف كامل أحمد، لاعب فريق بتروجيت، كواليس ليلة صعود الفريق البترولي والعودة إلى الدوري الممتاز عقب غياب 5 مواسم عن دوري الأضواء والشهرة.
كواليس ليلة صعود بتروجيت للدوري الممتاز بعد غياب 5 مواسم
وقال كامل أحمد في تصريح خاص لـ القاهرة 24، أولا الحمدلله علي الصعود في أول مواسم دوري المحترفين بنظامه الجديد، موسم صعب وفرق قوية وسفر ومسافات بعيده جدا بس الحمدلله.
وأضاف لاعب بتروجيت، احنا من أول يوم في فتره الإعداد واحنا هدفنا الصعود وكلنا كنا علي قلب راجل واحد وفي ضهر بعض، وبدليل اننا مخسرناش غير ماتشين من كد الماتشات ودايما الكابتن سيد بيقولنا قبل كل ماتش العبوا والنتيجة دي انا اللي هتحملها العبوا لنفسكم كل واحد يعمل تاريخ لنفسه.
وأردف كامل أحمد، كابتن سيد عيد قال لنا أول حاجه عاوزين نصعد بمكسب احنا لو اتعادلنا هنصعد، بس انا عاوز اصعد بمكسب، قالنا كل واحد يلعب عشان الحاجه اللي عاوزها عاوز فلوس هتاخد عاوز مجد وتاريخ هتاخد عاوز تلعب ممتاز العب، السنه كان فيها ماتشات صعبه جدا وتحديات كتير بس الحمدلله الحمدلله ربنا دايما كان موفقنا وعارف اننا بنتعب جدا جدا.
بتروجيت يتأهل إلى الدوري الممتاز
تأهل فريق بتروجيت إلى الدوري الممتاز لكرة القدم الموسم القادم، وذلك بعد فوزه الكبيرعلي فريق راية بثلاثية نظيفة في مباراة جمعتهما، اليوم الثلاثاء، في إطار الجولة السادسة من مرحلة الصعود من دوري المحترفين المصري موسم 2023-2024.
