خالد الحلفاوي: لو كامل العدد +1 أكتر من 15 حلقة الجمهور هيزهق.. وأنا ضد مط الحلقات
كشف المخرج خالد الحلفاوي، سبب جعل الجزء الثاني من مسلسل كامل العدد مكون من 15 حلقة فقط، وذلك على الرغم من النجاح الكبير الذي حققه العمل في موسم رمضان 2023، ورمضان 2024.
وقال خالد الحلفاوي، في ندوة تكريمه بالقاهرة 24: الحدوتة اللي تقدري تحكيها في حلقة ماتحكيهاش في اتنين وإلا مكنش هيعجبهم، ولو كان 30 حلقة كانوا زهقوا وأنا ضد المط في الحلقات.
وتابع خالد الحلفاوي: الدراما مش بتزويد المواقف واللي سوف تتحول لـ فقرات مش دراما، وبعتبر الدراما موضوع بيحصل منه مواقف ولو مطينا كده بقت عبارة عن برنامج مش دراما، واحنا ماشيين ورا خطوط ولو في خطوط بنفس القوه تاني هنعملها.
خالد الحلفاوي يكشف تفاصيل مشاركة الراقصة بدرة في مسلسل كامل العدد+1
كما كشف المخرج خالد الحلفاوي تفاصيل دخول الراقصة بدرة مجال التمثيل من خلال مسلسل كامل العدد +1، قائلًا: لما جت تمثل اكتشفت أنها مابتعرفش تمثل خالص، قولتلهم يعني أنتوا جايبين واحدة ما بتعرفش تمثل بالعربي وتشوفوا المخرج هيعمل إيه فقعدت معاها عشان أشوفها بتمثل إزاي، وبقيت أترجم ليها المشاهد بالإنجليزي وبعدين تمثلها بالفرانكو وبعدين بالعربي.
تفاصيل مسلسل كامل العدد+1
وشارك في سلسل كامل العدد+1، كل من الفنانة دينا الشربيني، شريف سلامة، بدرة، إسعاد يونس، تميم عبده، جيهان الشماشرجي وإسعاد يونس، ميمي جمال، أحمد كمال، ألفت إمام، صدقي صخر، أحمد جمال سعيد، سمر علام، عمرو جمال، جيسيكا حسام الدين، لينا صوفيا بن حمان، حمزة دياب وغيرهم من نجوم الفن، والعمل من تأليف رنا أبوالريش، ويسر طاهر، وإخراج خالد الحلفاوي، ولاقى العمل إشادات واسعة من الجمهور عبر مواقع التواصل الاجتماعي.
