أشرف زكي في احتفالية تكريم أشرف عبد الغفور: عمره ما زعل حد وكان فنانا استثنائيا
تحدث الفنان أشرف زكي عن ذكرياته مع الفنان الراحل أشرف عبد الغفور، خلال احتفالية تكريمه التي أقيمت أمس على المسرح القومي.
وقال أشرف زكي خلال احتفالية تكريم الراحل أشرف عبد الغفور: كان فنان استثنائي في كل حاجة كفنان، وكان دقيق جدًا وحريص جدًا والناس اتعلمت معاه الإنسانية، وكان شخص نادر وعمره ما زعل حد ولو زعل ماكنتش بيقول أي سبب زعله.
وتابع أشرف زكي: لما مسك أشرف عبد الغفور نقابة المهن التمثيلية في 2011 كانت فترة صعبة جدًا، وكنت مشفق عليه والحقيقه أنه عبر بالسفينة في مرحلة ناس كتير مقدرتش يكملها وإحنا ماعملناش حاجه لسه إحنا بنكمل اللي عمله، وكان أول واحد بيباركلي وقت الفوز بالنقابة، ولازم كلنا نفتخر بأسرة أشرف عبد الغفور.
انهيار ريهام عبد الغفور
وكانت الفنانة ريهام عبد الغفور انهارت أمس لحظة تسليم تكريم والدها الراحل الفنان أشرف عبد الغفور من المسرح القومي، حيث أقيمت الاحتفالية حاليًا على المسرح القومي.
وقالت ريهام عبد الغفور، وهي منهارة أثناء لحظة تكريم اسم والدها: بشكر كل الناس اللى جم وعايزة أحكيلكم حكاية والدي لما جه يتكرم السنة اللى فاتت أعتقد أو قبل سنة، أنا عرفت من السوشيال ميديا تانى يوم وهو مقاليش وقلت له تكريمك التانى هكون موجودة، وأنا أهو موجودة ومتأكدة إن هو كمان موجود بروحه وابتسامته الطيبة.
