إبراهيم عبد المجيد عن تكوين: التريند مش تجديد وعالم الميديا بيحب التفاهة
علق الكاتب الكبير إبراهيم عبد المجيد على الأزمة المثارة في الفترة الماضية حول تكوين الفكر العربي، والتي تم إطلاقها مؤخرا وأثارت الكثير من الجدل.
إبراهيم عبد المجيد عن تكوين: التريند مش تجديد وعالم الميديا بيحب التفاهة
وقال الكاتب إبراهيم عبد المجيد في معرض إجابته على سؤال القاهرة 24 حول تكوين خلال حلوله ضيفا على منتدى القاهرة الثقافي: إحنا عايشين ثقافة التريند.. أنا مش ضد أي حد يفكر نفسه بيجدد في الإسلام بس يعرف يجدد في الإسلام.. بس لما تعمل تريند ده مش تجديد.
وأضاف إبراهيم عبد المجيد: الفلسفة الإسلامية موضوع كبير جدا وأنا مقرتش لحد منهم - بقصد أعضاء تكوني- دراسة في الفلسفة الإسلامية اقتنعت بها.. الفلسفة الإسلامية موضوع معقد جدا وصعب جدا ومشفتش حد كتب كتاب بعد نصر أبو زيد أو غيره.
وأكد عبد المجيد: تجديد الفكر الإسلامي ميجيش بالكلام في الميديا ولا البرامج التليفزيونية دي حاجات استهلاكية، انت عايز كتب عميقة جدا عشان تجدد.
واختتم عبد المجيد: ورغم كده أنا مش مع الناس اللي بتكفرهم.. خليهم يقولوا هوا عالم الميديا بيحب التفاهة.. هتلاقي ناس كتير ماشية مع ده وناس كتير ماشية مع ده، لا دول قرأوا في الفلسفة الإسلامية ولا دول قرأوا في الإلحاد ولا أي حاجة.
وكان الكاتب الكبير إبراهيم عبد المجيد، حل أمس الأحد، ضيفا على منتدى القاهرة الثقافي تحت إدارة سامح محجوب بمركز الإبداع الفني التابع لصندوق التنمية الثقافية، في ندوة حول أسئلة الرواية الآن.
