بعد تحدي الخير.. سعد الصغير للفنانين: “مش شرط حدث يحصل فتساعد وتقول أنا عملت” (صورة)
وجه الفنان سعد الصغير، رسالة لكل أصدقائه من الوسط الفني، في ظل تحديات الخير التي انتشرت مؤخًرا لمواجهة فيروس كورونا، بعد انتشاره وتأثيره السلبي على دخل عدد من الأسر بسبب توقف العمل خوفًا من مغادرة المنزل، أو الأسر التي أُصيب به ولا تملك تكاليف العلاج.
وعمد عدد من نجوم الوسط الفني، على تحدي بعضهم للتكفل بمصروفات عدد من الأسر المتضررة من الفيروس، وقال سعد في تدوينته: “مساء الفل علي أخواتي وحبايبي، بقول كل كلمة من كل قلبي، في ظروف صعبه ما يعلم بها غير ربنان مش هقولكم أنا هتحدى ولا هقول كام أسرة ولا كام شخص”.
وتابع: “حاجة واحدة بس كنت كمان في مشهد من فيلم “أبقى قابلني” قولتها وأنا في مشهد بتاع وأنا في السجن، لو كل واحد معا فلوس أو غني ساعد حد فقير بس بحاجة بسيطة عمرنا ماهنوصل في الي إحنا فيه، أه أحسن من ناس تانيه كتيرة وبلاد تانية، كتير بس أنا بتكلم في حاجة معينة”.
واستكمل: “الي هيا مش شرط حدث يحصل أو حاجة كبيرة تحصل والعالم شايفها، فاتساعد علشان ظروف ما، وبعد كدا تقول أنا عملت الي عليا، ياجماعة أقسم بالله الي بيعمل خير طول عمره هيفضل في خير طول عمره وكفايه السيرة الحلوة، وحب الناس البسيطة”.
وأضاف: “ومش هطول عليكو ياريت الناس الي بتعمل خير وتتحدى، تعمل التحدي ده مع الناس الغلبانة التعبانة الي أنا كنت واحد في يوم من الأيام منهم، مش أيام ولا شهور فقط، ياريت نساعد بعض طول حياتنا، أفهم وخليك عارف كدا هنموت كلنا وكلو هيبقا زي بعضو”
واختتم: “خلي الي معاك مايبقاش بتاعك أنت وبس، في غيرك محتاج ربع بسيط من الي معاك، وأنت خد الباقي ياعم وأعمل الي أنت عايزه، اتمنى كلامي يبقا مفهوم ويوصل لكل حد محترم أصيل بيعمل خير وبيحب الناس من قلبه بجد وطيبن وإن شاء الله أزمه وهتعدي بإذن الله ربنا هيكرمنا وهنبقا أحسن ناس في الدنيا.. اللهم أمين”.
رغم منع “الموسيقيين”.. حسن شاكوش وعمر كمال يتعاونان مع سعد الصغير في أغنية جديدة
