لميس الحديدي ترد على منتقدي “المهرجانات”: “الحاجات دي فيها أكل عيش”
علقت الإعلامية لميس الحديدي، على موجة اللوم التي يوجهها البعض للدولة حول ترك بعض المجالات المفتوحة مثل الاحتفالات والمهرجانات السينمائية والموسيقية.
وقالت الحديدي، عبر برنامجها “كلمة أخيرة” المذاع على شاشة “ON E”: “الناس اللي بتقول إنتوا سايبين السينمات وسايبين المهرجانات؟ الدولة حتى هذه اللحظة وفي ضوء أرقام الوضع الوبائي على الأرض مش عايزة تقفل النشاطات.. لا نريد أن يكون هناك غلق جزئي للنشاطات الحاجات دي فيها أكل عيش للناس سواء مطاعم أو سينمات أو حتى المهرجانات، لكن الناس لازم تاخد بالها لا بد أن تقوم بالتباعد والكمامة بقت جزء من حياتنا”.
وتابعت: “قدامنا حلين إما نقفل وإحنا مش عايزين؟ أو نتعايش ونتعلم كيف نحمي أنفسنا، الدولة مسؤوليتها تجهيز الأماكن والمستشفيات وتوفير الأدوية، وتغلق إذا ااضطررنا لذلك لكن المواطن بالأساس عليه مسؤولية حماية نفسه ومن حوله”.
واختتمت: “الفيروس بقى جامد تاني وحواليا ناس كتيرة مصابة وبدأنا نكلم دكاترة من أول وجديد وندخل ناس المستشفيات بعد شهور طويلة.. وعلى فكرة مش بس كبار السن بقى حوالينا شباب كتير في أعمار 18-25 سنة بدأوا يصابوا ويجيلهم الفيروس بعضهم بلا أعراض وبعضهم بأعراض صعبة جدًا.. أرجوكم خدوا بالكم من نفسكم ماتزقوناش للإغلاق خلونا ننتفس شوية لا تدفعوا الدولة لإغلاق جزئي أو أكبر من ذلك”.
الحكومة: عودة المهرجانات السينمائية بشرط إقامة الافتتاح والختام في أماكن مفتوحة
