والدة المهندس أحمد عاطف ضحية الغدر: قالي إنتي تصدقي إني أئذي أحمد؟ وطلع هو اللي قتله

قالت والدة المهندس أحمد عاطف، إن اختفاء نجلها لمدة 11 يوما، كان أمرًا صعبًا عليها تحمله: أصعب أيام حياتي أنا عندي 52 سنة عمري ما عشت أيام أصعب من الـ 11 يوم دول مروا عليا سنين.. ماحدش هيحس بيا غير أم زيي.

في السياق نفسه، كشفت تحقيقات الأمن أن المهندس أحمد عاطف قُتل على يد صديقه محمد أبو العز.

حول استقبال الأم خبر وفاة نجلها قالت: زوجته اتصلت علينا بتسألنا إذا كان نام عندنا انهرت؛ لأن ابني مش بينام غير في بيته من ساعة ما اتجوز.. وآخر مرة كلمته قالي إنه مع صاحبه محمد أبو العز وعربيته اتعطلت على الطريق.. ودي كانت آخر مرة نسمع صوته.

واستكملت أنهم عندما اتصلوا بصديقه محمد أبو العز وكان ردود أفعاله بها حالة من اللا مبالاة، وقالت: صاحبه قالنا أنا اديته 80 ألف جنيه وركبته تاكسي عشان عربيتي عطلت.. وبعد كده قالنا إنه راح دمياط وأنا ابني كان إجازة اليوم ده.. كل اللي جه في بالي إنه مضى ابني على شيكات عشان الفلوس.

وأشادت بجهود قوات الأمن في سرعة التحريات والقبض على محمد أبو العز بعد ثبات التهمة عليه، وجار اتخاذ الإجراءات القانونية اللازمة.