الخميس 28 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

تفاصيل إشعال أب النار في ابنته بكفر الشيخ

شهدت قرية سريوة التابعة للوحدة المحلية جرايدة بمركز بيلا، بمحافظة كفر الشيخ، يوم الأربعاء الماضي، واقعة حرق أب لابنته تدعى إيمان، باستخدام جركن من البنزين.

وقالت نجلاء إبراهيم أحد شهود عيان الواقعة: كنت قاعدة جوا في البيت ولقيت صويت، قولتلها في إيه يا إيمان.. قالتلي الحقيني أبويا مُولع فيا، ارتبكت وما بقتش عارفة أعملها ايه، لقيتها رمت نفسها في مصرف مياه.

وأضافت نجلاء إبراهيم: لما إيمان فضلت تصوت أبوها ضربها على رأسها عشان يسكتها، ونزفت دم من مناخيرها، وفضلت ربع ساعة النار ماسكة فيها لحد ما نزلتلي كانت مُنتهية خالص، والجيران لفوها في ملاية وركبوا توك توك وراحوا بيها المستشفى.

أوضحت السيدة شيماء أحد شهود عيان الواقعة: البنت قالت لأبوها أنت جاي هنا تاني ليه يا بابا عشان تولع في البيت، قالها لا أنا هولع فيكي أنتي، وطلّع جركن بنزين ودلقه عليها وعلى وشها، وراحت الحمام عشان تطفي نفسها راح قفل عليها باب الحمام وسابها ومشي، بعد كده هي حاولت تفتح الباب وفتحته فعلًا، وجريت رمت نفسها في المصرف، وبعدين خدتها وجريت بيها على المستشفى.

وأشارت السيدة شيماء إلى أن والد إيمان كان يرتدي عباءة سوداء ونقاب وجزمة حريمي، وقالت: أنا جيت عشان هي كلمتني، وكانت قايلالي لو أنا اتصلت بيكي في أي وقت اعرفي أن أبويا بيعمل فيا حاجة وتعالي إلحقيني.

وذكرت السيدة شيماء أحد شهود عيان الواقعة، أن إيمان كانت مُتزوجة مرتين من قبل، وخلال زواجها الأول ذهب والدها إلى منزلها، وأشعل النار فيه، ثم انفصلت عن زوجها لهذا السبب، وفي زواجها الثاني كان والدها يُهدد زوجها ويتحدث معه بكلام غير لائق.