الجنيه المصري بـ 24 ألف دولار.. تاجر عملات قديمة: بعرف تاريخ كل عملة من التوقيع المدون عليها

اهتم المصريين في الآونة الأخيرة، بالعملات المصرية القديمة وأصبحوا يبحثوا عنها ويتابعون أسعار شرائها وتداولها.

وقال مجدي عطية أحد تجار العملات المصرية القديمة بمنطقة وسط البلد: أنا بشتغل في العملات من 12 سنة، وبعرف تاريخ كل عملة من التوقيع اللي عليها، وببيع البريزة بـ 2 جنيه، وفي بريزة تانية مكتوب عليها الدولة المصرية ممكن يوصل سعرها لـ 5 آلاف جنيه عشان نادرة.

وأضاف تاجر العملات القديمة، أن أسعار عملات الملك فؤاد مرتفعة، نظرًا لأنها تعود لوقتًا بعيدًا ويقل وجودها بحالتها الجيدة لأن معظم الموجود منها مُتهالك، مثل الجنيه الفلاح الذي يُعتبر أول جنيه يتم وضع فيه العلامة المائية وشخصية مصرية، فقال التاجر: يُقال أن الشخصية الموجودة على الجنيه الفلاح ده كان خادم عند الملك فؤاد، وهو أول واحد تنبأ له أنه هيكون ملك وبعد مدة فعلًا السلطان فؤاد بقى ملك فهو حب يكرمه وحط صورته على الجنيه.

وأكمل التاجر حديثه قائلًا: فيه جنيه مصري عليه جملين بس ده مش موجود في مصر أصلًا وكان بيتباع من 3 سنين في لندن بنحو 380 ألف جنيه.