آراء الجمهور على فيلم ريش بعد تسريبه: ممل ومش عارفين أخد الجائزة ليه

آثار فيلم ريش عقب عرضه في مهرجان الجونة السينمائي بدورته الخامسة، جدلًا كبيرًا بين مشاهدين الفيلم في المهرجان من مؤيد ومعارض حيث تنوعت الآراء ولكن ذلك كله يقتصر على الفنانيين الذين رأوا الفيلم في المهرجان، وعقب تسريب الفيلم بدأ الجمهور يشارك ويدلي برأيه، وجاءت معظم الآراء سلبية. 

وشارك المؤلف أيمن سليم، برأيه في منشور عبر حسابه الرسمي على فيسبوك قائلًا: مع كامل احترامي لكل الدوشة اللي حصلت دي، أنا لسه مخلص فرجة على فيلم ريش، ليه فيلم آخره أوي يبقى فيلم قصير مدته 10 دقائق يتقدم في ساعتين؟ أمال لو كان حلو كنتوا عملتوا فينا إيه؟! ملل وزهق وجالي ضيق تنفس في بعض المشاهد، ورغم إني حبيت قصة كفاح الأستاذة دميانة بنت المنيا، وتعاطفت معها قبل ما أشوف الفيلم لكن بعد ما شوفته تعاطفت مع الإعلامية بوسي شلبي.

وواصل سليم: إيه يا دميانة ده؟، إنتي مامثلتيش بربع جنيه، أمال جايزة إيه وكان إيه؟ تجربة مريرة مانصحش أي حد إنه يضيع ساعتين من عمره في الهزي ده.. وحقيقي أنا هحاول أحب الفنان شريف منير الفترة الجاية.

ومن جانبه، علق الكاتب الصحفي عبد الله غلوش على الفيلم وقال: مبدئيا معرفش مين اللي سرب الفيلم وبجودة hd وسايبه بقاله 10 ساعات من غير أي ريبوتات، في رسالة واضحة بأنه تسريب متعمد، للأمانة الفيلم لا يشوه سمعة مصر، لكنه بيشوه سمعة السينما المصرية، إيه الفيلم الممل ده يا جماعة، فيلم آخره 10 دقايق كان يبقى عظيم.

وواصل غلوش: لكن تقعد تمط في مشاهد صامته ساعة ونص ليه؟ بعدين الفيلم لما تشوفه بيسقط من نظرك ناس كتير على رأسهم لجنة تحكيم مهرجان كان، اللي متفهمش بيمنحوا الجوائز على أي أساس أو وفقًا لأي اعتبار، الله يسامح شريف منير اللي بقالنا 3 أيام مصدعين بسببه، لو كان اتفرج وسكت كان ارتاح وريحنا جميعًا من الكلام عن فيلم لا يستحق تضييع ساعة ونص من عمرك في مشاهدته.

أما عن الفنان خالد تاج الدين فكتب في منشور عبر حسابه الرسمي على فيسبوك منشور قال فيه: عايزين يقارنوا فيلم ريش بأفلام محمد خان وعاطف الطيب، سوري في الكلمة اللي قولتها بس مكتبتهاش.

كما شارك الفنان عمر خورشيد برأيه عن الفيلم قبل أن يشاهده قائلًا: بعد متابعة آراء وتعليقات المشاهدين، اتضح لي أن بتوع مهرجان كان أدوا الجائزة للفرخة.

ومن خارج الوسط الفني، شاركت المواطنة سهيلة برأيها على الفيلم وقالت: شاهدت فيلم ريش وهو ممل جدًا الحقيقة، والبطلة دورها صامت طبعا عشان أنا مش سينمائي ومش بفهم في الكادرات والكلام ده بس لو حد شافه يفهمني هو أخد جايزه في إيه؟