الخميس 22 فبراير 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

مطلقة تبيع لعب الأطفال بالدقهلية: عملت المشروع عشان اصرف على عيالي واعلمهم

تعيش السيدة فاطمة محمود يوسف، المعروفة بـ أم فهد، وهي سيدة ريفية بسيطة، في قرية كفر الجمال، التابعة لمركز طوخ، في محافظة الدقهلية.

وحولت منزلها إلى ورشة بسيطة لتجارة ألعاب الأطفال وذلك بعد طلاقها من زوجها، وقالت أم فهد: أنا جوزي طلقني من خمس سنين وعندي ٣ عيال فهد وفرحة وعمار، فهد في رابعة إبتدائي، وفرحة في تالتة إبتدائي، وعمار عنده ٦ سنين، ومش لاقية أصرف عليهم فقولت اعمل مشروع كده ب ٥٠٠ جنيه، أشتري لعب أطفال وأوزعها علي المحلات في القرية.

وأضافت السيدة فاطمة: بدأت أنزل الفجالة وباب البحر وشارع بين الحارات، وأشتري لعب أطفال وأبيع للمحلات علشان أصرف علي العيال واعلمهم ويروحوا المدرسة بدل ما بيقعدوا بالأسبوع في البيت بسبب إن مافيش مصروف. 

كما أوضحت: بضطر اروح مصر كل 3 أيام عشان اجمع 3 أصناف من اللعب، وبيطلعلي من اللعبة نص جنيه بس.

وأختتمت أم فهد حديثها قائلة: أنا طالبة من أهل الخير إنهم يساعدوني إني يبقى عندي حاجة تحت رجليا اتحرك بيها واقدر أكل ولادي منها عيش، زي تروسيكل مثلًا وأنا عندي استعداد اسوقه عادي، ما دام هيجيب لولادي جنيه، ومش عايزة احتاج لحد.