زوجة مواطن بالإسماعيلية بعد التمثيل بجثته: عيالي بقوا يتامى.. أنا عايزاه يتعدم

اهتزت أركان منطقة البلابسة بمحافظة الإسماعيلية، اليوم الاثنين، بعدما أقبل شاب على ذبح مواطن جاره يُدعى أحمد، ويبلغ من العمر 51 عامًا، وقطع رأسه وتجول به في الشوارع، وسط حالة من الذعر والخوف من الأهالي من هول المنظر.

وعلقت زوجة أحمد المجني عليه وهي تبكي بحرقة قائلة: أنا عاوزة إعدام للجاني، ده غلبان وعيالي بقوا يتامى وهما صغيرين، أحمد اتغدر بيه.

وقالت أم فاضل شقيقة المجني عليه: أنا عايزة إعدام عشان أخويا، وأنا اللي سمعت الخبر لما واحدة أتصلت عليا وقالتلي أخوكي فين قولتلها ده لسه خارج بالتروسيكل عشان يجيب عيش من شارع الحي، قالتلي طب الحقي أخوكي مدبوح ودماغه فوق جسمه، ركبت تاكسي وقعدت أصوت، ولما شوفت أخويا في الأرض قعدت أصوت وألطم.

وتابعت حديثها قائلة: أنا بطالب بحق أخويا ومش هتنازل، أنا عايزة واحد يشنقلي اللي قتله في ميدان عام، أنا أخويا مكانش ليه دعوة بحد وكان في حاله، ولما تشوفوا الصوان قدام بيتنا أبقوا اعرفوا إننا خدنا حق أخونا.