بتر أصابع رضيع بالبحيرة.. وأسرته: الدكتور اداله حقنة ملوثة ومنعونا من زيارته

نشهد في الآونة الأخيرة العديد من وقائع الإهمال الطبي، على الرغم من الإجراءات والقوانين التي تطلقها الحكومة للحد من هذه القضية، إلا أنه ما زال يشبه المسلسل المتكرر كل فترة، ويكون الضحية هو المريض، الذي قد يدفع حياته ثمنًا لهذا الإهمال.

وانتشرت حالة من الجدل مؤخرًا بمدينة أبو المطامير، في محافظة البحيرة، بسبب واقعة الطفل الرضيع حسين عبد الناصر حسين عرقوب، الذي من المفترض أنه كان يُعالج بأحد المستشفيات من الصفراء، ولكن أُجريت له جراحة غرغارينا في يده أدت إلى بتر أصابعه.

قال عبد الناصر حسين عرقوب والد الطفل الرضيع: أنا إبني حديث الولادة، ومولود مافيش فيه عيب خلقي ولا أي حاجة، وأنهاردة بقى عنده 23 يوم، وعرضته على دكتور أخصائي أطفال قالي أن نسبة الصفراء عنده طبيعية، وبعد يومين روحت بيه المستوصف عشان أطعمه قالولي هناك أن نسبة الصفراء عنده عالية.

وأضاف: توجهت للمستشفى العام في أبو المطامير، وعرضته على دكتور أخصائي الأطفال اللي في الحضانة وشاف إبني وطلب مني أعمل التحاليل في معمل المستشفى، ونزلت بيه المعمل والدكتور تحت حط سن الحقنة في إيده الشمال عشان ياخد منه العينة بس منفعتش، بعد كده حط سن الحقنة على رخامة في المعمل بيجي عليها كل العينات من كل الأقسام، وطبعًا دي مستشفى حكومي والمفروض يكون فيه رعاية أكثر من كده.

كما تابع والد الطفل حديثه قائلًا: رجع تاني حط نفس سن الحقنة في إيده اليمين، ولما سألته قولتله يا دكتور بعد إذنك أنت هتعمل تلوث لإبنى وهتأذيه ده عنده 5 أيام، رد عليا بإساءة، وبعد كده قولتله: أنا أمنعك تحط السن ده بعد إذنك استنى هروح أجيبلك سن تاني من الصيدلية، صمم وقالي أنت مالك أنا الدكتور وأنا اللي أحدد مش أنت، وبعدين سحب منه العينة.

وأوضح عبد الناصر حسين: طلعت فضلت مستني نتيجة العينة 3 ساعات قدام باب الحضانة، وكان جوايا رعب من اللي حصل لإبني، وطلعت نتيجة التحاليل أن نسبة الصفراء عند إبني 25%، وأستلمه مني الدكتور، وبعد 72 ساعة ظهرت في إيد إبني أعراض ورم، والدكتورة قالتلي إن اللي في إيده ده شبه خُراج، وكانوا مانعني إني أشوف إبني حتى مانعين إن والدته تخش ترضعه.

وقال والد الطفل: أول ما سمحولي أشوف إبني اتفاجئت إن تمت عملية جراحية في إيده دون تجهيزات، فتحوا إيده ونسبة التلوث أنتشر فيها، وسببتله غرغرينا والتلوث وصل لحد العظام.