بعد محاولته الانتحار.. استغاثة شاب فاقد لـ هويته في شبرا الخيمة: نفسي يكون ليا بطاقة زي أي مواطن
استغاث الشاب محمد عبدالسميع، البالغ من العمر 24 عاما، والشهير بعصام والمقيم بمنطقة شبرا الخيمة، بالمسؤولين لإيجاد حل لأزمة بطاقته الشخصية وتعريف هويته، تلك العقبة التي تحجز بينه وبين حياته.
وقال محمد في حديثه: أنا أبويا اتجوز أمي من غير ما يكون معاه بطاقة، وبعد أمي ما ولدت إخواتي كان فيه راجل معرفة في السجل كان بيسننهم ويطلعلهم شهادة الميلاد، ولكن بعد ما أنا اتولدت الراجل بتاع السجل اللي كان بيطلع شهادات الميلاد مات فمتعمليش شهادة ميلاد.
وتطرق في حديثه عن حياته وقال: بعد كده أبويا وأمي اتوفوا وفضلت أنا تايه مش عارف أعمل أي حاجة لحد ما كملت 16 سنة وروحت التجنيد علشان الجيش طلبوا مني قيد عائلي وورق لازم يكون ليا بطاقة وأنا أصلا مش معايا أي ورق يثبت شخصيتي.
وحول سعيه لحل المشكلة، قال محمد: اتنصب عليا كتير جدا ورفعت قضية لكن كل المحاولات فشلت وحولت أنتحر أكثر من مرة لكن إخواتي البنات منعوني ولحقوني.
وأضاف محمد أنه استعان بأحد المحامين لحل مشكلته، لكن هذا المحامي طلب منه أن يضمنه أحد إخوته، واشتكى محمد بأن أخاه تخلى عنهم ويعيش بعيدا عنه، قائلا: أخويا أصلا بايعنا وقاعد في إسكندرية.
واختتم محمد حديثه موجها استغاثة للمسئولين قائلا: حد يعتربني ابنه ويدخل يحللي مشكلتي، عايز أبدأ حياتي لأني تعتبت وهنتحر.
