السبت 27 نوفمبر 2021
المشرف العام
محمود المملوك

علقة ساخنة لسائق تحرش بـ 3 فتيات بالمعادي.. وإحدى الضحايا: سمّعنا كلام وحش فرمينا نفسنا على الأرض

شهدت منطقة البساتين التابعة للمعادي، واقعة تحرش من قبل سائق توك توك بثلاث فتيات بالصف الثاني الإعدادي، وذلك خلال عودتهم من أحد الدروس التعليمية.

وقالت الفتاة جومانا، إحدى الضحايا: إحنا كنا رايحين نركب ميكروباص علشان نروّح بعد ما خلصنا الدرس فلقينا الميكروباص فاضي فسبناه ومشينا لقينا سواق التوكوك جاي ويقولنا تعالوا اركبوا، فسبناه ومشينا وقولنالوا شكرا، لقيناه برضو جاي ورانا وبيقولنا أي مكان بـ 5 جنيه فركبنا معاه.

وتابعت جومانا: ركبت أنا جنبو وروضة وملك ركبوا ورا، وكان بيحاول يحط إيده عليا بس أنا اديتو ضهري وبقا يدخل بينا في شوارع غلط ولما قولنالو مش هو دا الطريق قالنا لا هوا وفضل يسمعنا كلام وحش، فرمينا نفسنا من التوكتوك على الأرض وجتلنا ست نوبية ووقفت معانا لحد ماروحنا.

ومن جانبها أكدت أيضا الفتاة الثانية روضة، والتي رفضت الظهور على الشاشة خوفا من سائق التوكتوك.

وعلى الجانب الآخر قال أحمد محمد سعيد، والد الفتاة جومانا: أنا كنت في الشغل فوالدة جومانا اتصلت بيا وقالتلي جومانا كانت هتتخطف وكده رجعت على البيت وعرفت اللي حصل ونزلت أدور على الولد، وأخدت جومانا معايا وسبتها عند جدها وهي قاعدة معاه صدفة راح سواق التوك توك داخل الشارع والناس مسكوه.

واختتم والد الفتاة جومانا حديثه موجها الشكر لرجال الشرطة على سرعة استجابتهم واتخاذ جميع الإجراءات اللازمة للقبض على المتحرش.

                     
                                   

ﺗﻔﻀﻴﻼﺕ اﻟﻘﺮاء