تفاصيل وفاة مدربة كرة قدم بالمحلة بسبب أزمة قلبية.. وإحدى أقاربها: كانت بتضحك معانا طول الليل

شهدت سامول إحدى قرى مركز المحلة الكبرى، التابع لمحافظة الغربية، حالة من الحزن والآلام، بسبب وفاة مدربة كرة القدم هناء سعد، في العقد الثالث من عمرها، متأثرة بأزمة قلبية مفاجئة.

وقالت زوجه عم المتوفية: ماكانتش فيها أي حاجة ولا تعبانة حتى، وكنا قاعدين بنضحك ونهزر طول الليل، احنا مش مصدقين حاسيين إنها عايشة مماتتش.

وعن اللحظات الأخيرة في حياة مدربة كرة القدم هناك سعد، قالت إحدى أقاربها: بليل نزلت جالت عشاء لأولادها، وكانت كويسة وعدت علينا وكانت بتضحك معانا لحد الساعة 12 بليل، صحينا الصبح لقيناها ماتت. 

وأضافت إحدى أقاربها: على الرغم من إن صحتها كانت كويسة، بس كانت حاسة إنها هتموت، قالتلي أنا حاسة إني هموت لو حصلي حاجة وصيتك الأولاد. 

وأوضحت خلال حديثها، أن شخصية الفقيدة كانت قدوة لهم على الرغم من صغر سنها، واصفة إياها: كانت ست سند بـ 100 راجل، عمر ما حد مننا احتاج حاجة إلا لما وقفت جنبه.