ربة منزل تستغيث بالمسؤولين لعلاج ابنتها من مرض نادر في جذع المخ بالإسماعيلية

وجهت إحدى سيدات منطقة أبو عطوة التابعة لمحافظة الإسماعيلية، استغاثة للمسؤولين لمساعدتها في علاج ابنتها المصابة بمرض نادر، وهو وحمة دموية، في أحد الأوردة بجذع المخ، أدى إلى إصابة الطفلة بدمور كامل.

وأوضحت السيدة أم منة، تفاصيل حالة نجلتها، قائلة: بنتي منة من نحو سنة كانت إنسانة طبيعية جدًا، وفي يوم صحيت من النوم قعدت تصوت وترجع، جرينا بيها على المستشفى وماكناش فاهمين أي حاجة خالص، وهناك بلغونا إنها محتاجة عناية مركزة ضروري.

واستكملت والدة الطفلة منة: بنتي جالها نزيف في المخ والدكاترة، ماكانوش قادرين يعملوا لها إشاعات عشان يعرفوا السبب، لأن وعيها انخفض لحد ما وصل لـ 3.. وفضلت في العناية لمدة شهرن بعد كدة الدكاترة قالولي بنتك هتعيش بوضعها كدة، على أجهزة ومش هتقدر تتحرك تاني.

وعن طرق علاج الحالات المشابهة لحالة نجلتها، قالت: روحت للدكاترة في القاهرة، قالولي إن فيه عملية قسطرة، لكن مش هتنفع مع حالة بنتي لنها حالة نادرة جدًا بتحصل لكل 1: 100.00.00.

واختتمت أم منة حديثها، حالة بنتي ممكن تتعالج في معهد ناصر أو تسافر برة مصر، لكن أنا ماعنديش إمكانيات علاجها، أتمنى آلاقي مساعدة ودعم من المسؤولين، مشيرة إلى أن زوجها هرب من مسؤولية الأسرة منذ 6 سنوات، ولا يعلم عنهم شيئًا.