سائق توك توك ينهي حياة شاب بالمرج.. وزوجة المجني عليه: ولادي اتيتموا وعايزة حقه

لقي المكانيكني رامي، البالغ من العمر 34 عامًا، مصرعه على يد سائق توك توك يُدعى محمد عادل وشهرته حماصه، وذلك بمنطقة المرج.

وقالت أخت المجني عليه: رامي طول عمره في حاله وماشي جنب الحيط والخلاف مع القاتل حماصه جه نتيجة أن من نحو سنتين والدة حماصه طلبت من رامي أنه يشتريلهم توك توك وفعلا رامي ساعدهم وجلبهم توك توك وفضل كل شوية يعطل ورامي يصلحو ليه كذا مرة ببلاش لحد مرة كدة رامي قالوا الحجات دي بفلوس فحماصه قالوا مش أنت اللي جايبهولي واتخنقوا مع بعض في الشارع ورامي قالوا امشي أنت عيل صغير ومش عايز أضربك.

وتطرقت أخت المجني عليه في حديثها حول واقعة الحادث قائلة: وفضل حماسة يهدد في رامي بالقتل ورامي ولا حاطو في دماغوا أصلا لحد ما جه مرة واحدة كده رامي كان قاعد تحت البيت بشرب قهوة راح جاي حماصه قالوا إيه اللي مقعدك هنا وراح جاب مطوة وضربه في الفخدة اليمين سببلوا نزيف داخلي نقلوه على المستشفى مفيش ربع ساعة ومات.

وهذا ما أكدت عليه زوجة المجنى عليه في حديثها وأضافت قائلة: أنا ولادي عمر وحنين اتيتموا ومش عارفه أعمل إيه وصاحب الشقة من تالت يوم وفاة جوزي وعايز يرميني في الشارع وبيطلبني بالشقة بتاعته.

ووجهت أخت وزوجة المتهم استغاثة بمطالبة العدالة بتخليص حق رامي، وطالبا الرأي العام بمساندتهم.