شاب يستغيث بالرئيس السيسي: بعت الأرض والبيت ونفسي أتعالج من ضمور جذور الأعصاب
استغاث الشاب حمام، والذي يعيش بمركز نجح حمادي التابع لمحافظة قنا، بسرعة توفير الرعاية الطبية والعلاج له، خاصة أنه يُعاني من مرض نادر جدا، وهو ضمور في جذور الأعصاب، قائلًا: أنا بقالي 16 سنة بلف على الدكاترة والمستشفيات علشان أتعالج من المرض، وبعت البيت والأرض علشان أقدر أقف وأتعالج وأشيل ولادي.
وتحدث الشاب حمام عن طبيعية مرضه، ومعاناته مع الألم، والتي استمرت أكثر منذ 15عامًا، بعد ظهور الأعراض الخاصة بالمرض عليه منذ مع بداية عام 2005، قائلًا: مش بقدر أمشي ولا أتحرك ولا أمسك الموبيل، ورحت لكل الدكاترة بيقولولي مفيش علاج لمرضك، وصرفت كل فلوسي على الدكاترة، وبعت ذهب مراتي علشان أشتري العلاج، وصرفت كل فلوسي على المشايخ.
وأشار إلى أن مصاريف العلاج أرهقته ماديًا، وتسببت في بيع كثير من ممتلكاته، لافتًا إلى أنه يتقاضى معاش شهري 450 جنيهًا شهريًا، بجانب مُساندة أسرته له، وتكفلهم ببعض مصاريف علاجه.
وناشد الشاب حمام، الرئيس عبدالفتاح السيسي، بسرعة التدخل والتكفل بعلاجه، خاصة أن مرضه نادر ويحتاج إلى تدخل طبي خاص، قائلًا: يا سيادة الريس أنا نفسي أخف وأرجع أشتغل وأصرف على بيتي.. عايز أتعالج على نفقة الدولة.
