بث مباشر| عايشين في عشّة غرقانة.. أسرة بالمنيا تستغيث: نفسنا في بيت بدل الشارع

وجهت إحدى الأسر المشردة بمحافظة المنيا، استغاثتها إلى الرئيس عبدالفتاح السيسي ومحافظ المنيا، لتوفير أي مأوى أو سكن أمن لحمايتهم بعد تهالك منزلهم وتحطمه.
ويقول الحاج قورني إبراهيم، رب الأسرة المشردة في حديثه: أنا عايش مع عيالي في الأوضة الضلمة دي وبانتها بفضل الناس أصحاب الخير، منهم اللي اداني الطوب ومنهم ساعدني في الموانئ لحد ما قدرت أبنيها وأقعد فيها بدل ما أقعد في الطل.
وعن طبيعة الغرفة التي يعيش فيها الحاج قورني وأسرته، قال: مياه المطر بتنزل علينا من كل حتة في السقف ومش عارفين نعمل إيه والعقارب والتعابين بتطلع علينا من الحيطان لحد ما الجيران بقوا ياخدونا كل ما المطر ينزل يقعدونا عندهم في بيوتهم.
وعن دخل الأسرة المادي، قال الحاج قورني: بقبض 440 جنيه كل شهر مش بيكفوا أي حاجة، لا أكل ولا شرب ولا علاج وعليا ديون 10000 جنيه لصاحب الأرض اللي بنيت عليها الأوضة دي.
وفي نهاية حديثه، وجه الحاج قورني استغاثته إلى الرئيس عبد الفتاح السيسي ومحافظ المنيا قائلا: نفسي في بيت ليا أنا والعيال نقعد فيه بدل الشارع.