منزل آيل للسقوط بأسيوط يهدد حياة المواطنين.. والأهالي: احنا عايشين في رعب | بث مباشر

استغاث أهالي شارع بخيت سيد، بحي غرب محافظة أسيوط، تحديدًا بمنطقة زهرة الحمام، بالمسؤولين للمطالبة بالتحرك وسرعة إزالة أحد المنازل الآيلة للسقوط، والذي يهدد حياة عشرات من الأسر، وذلك بسبب قدم عمر المنزل الذي تخطى 50 عامًا على بنائه.
وتقول إحدى السيدات المقيمة بالشارع في حديثها: العيال بيخافوا أصلا يمشوا لوحدهم من قدام البيت عشان بيخافوا من شكله وإحنا الكبار عايشين في بيوتنا وخايفين في لحظة البيت يقع علينا. 
وعن التحرك القانوني ومحاولة إيجاد طريقة قانونية للتخلص من هذا الكابوس الذي يهدد حياتهم، قالت السيدة: إحنا روحنا الجهاز وقدمنا طلبات ييجوا يفحصوا البيت ويشوفوه ويتفرجوا على الرعب اللي إحنا عايشين فيه لكن كل المحاولات فشلت ومش عارفين نعمل إيه نحو 100 فرد عايش في الشارع حياتهم مهددة بسبب البيت ده.
وعن مالك وصاحب هذا العقار المروع لحياة الأهالي، قالت إحدى سيدات المنطقة في حديثها: البيت مملوك لعدة ورثة مع بعض بس هما مكبرين دمغهم من الموضوع ده.