مدمن مخدرات يستغيث: بعت بطاطين البيت عشان الهيروين.. ودمرت نفسي وعايز أتعالج | بث مباشر
استغاث الشاب أحمد سعد فكري ابن محافظة بني سويف، مركز الفشن جنوبي المحافظة، البالغ من العمر 40 عامًا، أنه لديه 3 أطفال مرضى بالضمور العضلي، وهو يتعاطى المواد المخدرات ويطالب بالعلاج في مستشفى حكومية.
وروى الشاب أحمد تفاصيل مأساته، قائلًا: موصلتش للمرحلة دي بإرادتي أنا كنت كهربائي، واللي وصلني للدرجة دي إن ابني مات قدام عيني، وأبويا مات وأولادي عندهم ضمور في الأعصاب، والدنيا متدمرة معايا، ومش معايا فلوس أنا دمرت نفسي بنفسي.
وأضاف أحمد سعد: أول مرة تعاطيت فيها المخدرات كانت مجانًا، وبعد ذلك بدأت أشتري المخدرات، ولما الفلوس تخلص ببيع أثاث المنزل.
وواصل صاحب الـ 40 عامًا: بعت بطاطين بيتي عشان الهيروين والبودرة اللي دمروا صحتي، ووقفولي عمل الكلى، مبقتش عارف أصرف على بيتي وأولادي.
ووجه الشاب أحمد فكري نصيحة للشباب، بأن يبتعدوا عن الهيروين والمخدرات، لأنها تسبب الوفاة وتدمر الصحة وتغيب العقل، مؤكدًا أنه أصبح غير قادر على الحركة بسبب المخدرات.
