بث مباشر | بعد خطف ابنها.. دينا تستغيث من بطش طليقها: خلعته وبيهددني بنشر صورنا
استغاثت السيدة دينا علاء، المقيمة بمنطقة فيصل التابعة لمحافظة الجيزة، بالمسؤولين لنجدتها من طليقها الذي يعتمد تهديدها بشكل مستمر، بعد أن منع عنها رؤية ابنها، رغم حصولها على حكم قانوني بأحقيتها في احتضانه.
وتقول السيدة دينا في حديثها: أنا اتجوزت من 12 سنة وعندي ولد عمره 11 سنة حصلت مشاكل بيني وبين جوزي طلبت منه الطلاق ورفض وقالي مش هطلقك غير بمزاجي، فرفعت عليه قضية خلع وكسبتها.
وتطرقت دينا في حديثها عن فترة ما بعد الخلع قائلة: بعد ما خلعته اتجوزت من راجل تاني لكن طليقي ما سكتش استغل صور بيني وبينه كنت ببعتهاله زي أي اتنين متجوزين عادي وبيهددني بنشرها على مواقع التواصل الاجتماعي، وهيعملي قناة على اليوتيوب ينزل عليها الصور.
وعند سؤالها عن سبب تصرف طليقها تجاهها قالت: هو كل يوم بيهددني عشان أتنازل عن أحقيتي في احتضان ابني اللي أصلا مستلمتوش منه خالص ومخبيه عني وكل ما أسأله يقولي هو عندي في السعودية أنا قدرت أهربه برا البلد بطريقة غير مشروعة لكن أنا متأكدة أن الولد ما خرجش برا مصر.
