بث مباشر| وكيل محمد الشناوي السابق: إزاي واجهة النادي الأهلي يأكل حقي

قال وليد عبد الهادي، الوكيل السابق لـ محمد الشناوي، حارس مرمى فريق النادي الأهلي ومنتخب مصر، إنه نجح في نقل الشناوي من فريق بتروجيت إلى الأهلي في موسم 2016/2017، وامتنع الشناوي عن دفع مستحقاته المالية بعد انتقاله إلى القلعة الحمراء.

وأضاف وكيل محمد الشناوي السابق أن عقد انتقال الشناوي إلى النادي الأهلي كان يُقدر بنحو 16 مليون جنيه لمدة 5 سنوات، ومن المفترض أنه يحق لها أن يحصل على 10% من قيمة عقد انتقاله للأهلي، ولكنه امتنع عن دفع مستحقاته على مدار الـ5 سنوات.

كما أوضح وليد عبد الهادي أنه اضطر أن يرفع دعوى ضد حارس المرمى محمد الشناوي، وبالفعل حكمت المحكمة لصالحه.

وتابع حديثه قائلًا: أنا مش قادر أفهم هو ليه الشناوي معاند معايا للدرجة دي، وأنا حاولت معاه أحل المشكلة بشكل ودي من سنة 2017 لحد نصف 2018 قبل ما أرفع الدعوى ضده، والناس كلها كلمته وقالتله يا شناوي الراجل ده ليه حق وتعب معاك بس هو أصر إنه مايدفعش الفلوس.

وأشار وليد عبد الهادي إلى أن محمد الشناوي تقدم بطلب استئناف على الحكم الذي صدر من المحكمة، لكن تم رفض هذا الاستئناف؛ لأن المحكمة أصدرت قرارها بشكل نهائي، بالإضافة إلى صدور حكم، اليوم الأربعاء، بالحجز على مقتنيات فيلا الشناوي الخاصة.

وقال وكيل اللاعب محمد الشناوي: أنا حاولت أكثر من مرة أتواصل مع حد من المسئولين في النادي الأهلي وهما الصراحة ناس متعاونين جدًا، بس أنا مش قادر أفهم إزاي هما سامحين إن واجهة النادي الأهلي يأكل حقي.