الثلاثاء 25 يناير 2022
المشرف العام
محمود المملوك

شاب يستغيث بالرئيس السيسي بسبب مرض نادر: عايز أتعالج وأرجع أربي عيالي

 

استغاث الشاب مصطفى حسان البالغ من العمر30 عاما، والمقيم بمنطقة الكوم الأحمر بمركز أوسيم التابع لمحافظة الجيزة، بالرئيس عبد الفتاح السيسي والمسؤولين، لإنقاذ حياته ومعالجته حيث أنه يعاني من مرض نادر جدًا، تسبب في تلف إحدى كليتيه وتهشم الأخرى.


وقال الشاب مصطفي في حديثه عن طبيعة مرضه: أنا بدخل الحمام بمعدل 3 مرات في الساعة الواحدة وعندي نزيف دم في البول، والدكاترة مش لاقيين ليه علاج وتعبت بصراحة جدًا.


وتطرق مصطفى في حديثه عن حياته قبل مرضه، قائلًا: أنا أصلا كنت بشتغل سواق تاكسي بالأجرة، بس المرض جالي من حوالي سنة، وبقيت قاعد في البيت مش بشتغل، وعندي 4 أولاد نفسي أربيهم وأخليهم مش محتاجين لحد.


وعند سؤاله عن محاولات سعيه تجاه مجابهة المرض قال مصطفى: كشفت عند دكاترة كتير جدًا وعلاج غالي ومفيش نتيجة خالص، كل التشخيصات باتت بالفشل والمرض مالوش علاج وأنا يئست والله، لوكنت موت كان يبقي أحسن بالنسبة لي من العيشة دي.


وأختتم الشاب مصطفي حديثه، مستغيثًا بالرئيس عبدالفتاح السيسي، قائلا: يا سيادة الرئيس أنا نفسي أتعالج على نفقة الدولة وأرجع لحياتي الطبيعية وأربي عيالي.

 

                     
                                   

ﺗﻔﻀﻴﻼﺕ اﻟﻘﺮاء