سيدة تتصدى لبلطجي سحل فتاتين بحلوان ودهسها بموتوسيكل: كان كل همي أنقذ البنات | لايف
تداول مستخدمو مواقع التواصل الاجتماعي في الآونة الأخيرة، فيديو يظهر فيه شاب لص يستقل دراجة نارية هو يحاول أن يسرق هاتف من طالبتين في أحد شوارع مدينة حلوان، ولكنه أقبل على سحلهم في الأرض، وتدخلت على الفور سيدة مسنة في محاولة منها لإنقاذهم، ولكن دهسها الشاب اللص وفر هاربًا.
تفاصيل الواقعة
وقالت السيدة بشرى المسنة: أنا كنت راحة السوق ولقيت البنات بتصرخ وبيقولوا حرامي حرامي، والولد واخدهم على الموتوسيكل وبيجري، فـ روحت ليهم راح داخل فيا على طول بالموتوسيكل، أنا كنت خايفة على البنات وافتكرته واخدهم يخطفهم، صعبوا عليا وصوت صريخهم شدني.
وأوضحت أنها وقفت أمام الدراجة النارية للشاب اللص بقصد أن يترك الفتيات ويتوقف عن سحلهم في الأرض، لكنه أقبل على الاصطدام بها ودهسها على الأرض، مضيفة: هو دخل فيا على طول لما لاقاني شوفته وافتكرته هينزل البنات ويمشي أنا كل همي كان عليهم، ولما خبطني ماكنتش قادرة أخد نفسي خالص.
وأضافت: أنا ماشوفتش الفيديو اللي انتشر عن الحادثة وقولت لعيالي ماحدش فيهم يوريني الفيديو ده عشان مش قادرة أشوفه من تعبي اللي أنا فيه من الحادثة.
